1561/2025-2026 

Dated Kolasib the 24th September 2025: Nimin tlai khan Kolasib SP Conference Hall ah Kolasib District chhunga ruihhlo do leh ILP kenkawh chungchanga Police, Excise leh YMA te thawh ho dân tur sawihona neih a ni a. He hun, Pu F Lalthlamuana, Addl SP, Kolasib kaihruai ah hian Kolasib District hmung hrang hrang atangin Police Officer te leh YMA Branch hrang hrang atangin aiawh thahnem tak an kalkhawm a ni.

He hunah hian Pu David H Lalthangliana,Sr SP Kolasib chuan ruihhlo dona kawnga thawk dun tûrin  Mizoram sawrkar leh CYMA ten inremna thuthlung an lo ziah tawh angin kawng hrang hrangin thawhhona a lo awm tawh thin a ni, a ti a. Vawiina an thutkhawmna pawh ruihhlo zuartute, a hmangsual tute leh a kaihhnawih a in hnamhnawih te chungchângah engtianga awmze nei zawk a hmalak tur nge tih sawiho tur annih thu a sawi a; chu hun chu tangkai taka hmang turin kalkhawmte a sâwm nghal a ni.

Thutkhawmna ah hian thurel hrang hrang sawiho niin, chungte chu; ruihhlo chi hrang hrang hmang a sumdâwng tute leh a kaihhnawih do beihpui thlâk dân tûr te, zu hmanga sumdâwng tûte leh a kaihhnawih laka hmalak dân tûr te, inner line permit kenkawh dân tûr te leh Assam State chhunga dan lova khawsa hnawhchhuah beihpui an neih chungchang a kan lo inven dan tur te an ni.

Heng thurel tura chhawpchhuah te hi kalkhawmte hian sawiho in , ruihhlo do kawngah thawhhona tha tak nei chunga chak zawk a hmalak ni se tih te leh inner line permit pek chhuah chungchang ah fimkhur zawka kalpui nise tih te remtih tlân a ni. Heng sawihona neih bakah hian Chairman Kumpuan Sub Committee te leh VDP aiawh ten thusawina hun an hmang bawk.

Nimina Kolasib District chhunga ruihhlo do leh ILP kenkawh chungchanga Police, Excise leh YMA te thawhho dan tur sawihona hi Pu R Lalnunpuia, SDPO Kolasib in lawmthu sawina a neih zawh in tih tawp a ni.