1560/2025-2026

Lunglei, 2025 Mimkut thla ni 23: September ni 17, 2025 aṭanga October ni 2, 2025 thleng awh tur faina beihpui thlak, 'Swachhata Hi Seva' campaign kalpui mek peng pakhat, 'SafaiMitra Suraksha Shivir' tih hnuaiah vawiin khan Lunglei Municipal Council (LMC) hnuaia faina kawnga thawktu (sanitation worker)-te chu Civil Hospital Lungleia Health ATM-ah an hriselna dinhmun endiksak an ni.

India sawrkar Ministry of Jal Shakti (Department of Drinking Water and Sanitation) leh Ministry of Housing & Urban Affairs hnuaiah kum 2017 aṭang khan India rama faina leh thianghlimna kawnga hma lakna, 'Swachhata Hi Seva' campaign hi kalpui niin, Lunglei District-ah pawh kumin atan Swachhata Hi Seva hma lakna hi kalpui leh mek a ni a. Kawng hrang hranga faina beihpui thlak a nih rualin, faina kawnga a bulṭhuta thawktu, sanitation worker-te pawimawhna leh an hriselna ngaih pawimawh a ṭulzia hriain, District Coordinator & District Bawrhsap nen ṭang kawpin LMC sanitation worker-te hriselna dinhmun endikna hi ruahman a ni.