District Bawrhsap Pu H.Lalengmawia hovin vawiin khan a pisaah Kolasib Town Area a dailenga inthiar awmlohna a puan chungchang ngaihtuah a ni.

Meeting-ah hian Pu H.Lalengmawia chuan dailenga inthiar awmlohna hmun a inpuan mai chu a duhkhawp loh thu sawiin, ekin neih mai a tawk lova mitinin ekin thianghlim an neih theihna tura hmalak a pawimawh a ni a ti a. Hetiang ang rilru pu chunga Kolasib town area leh sub town area : Kawnpui, Vairengte leh Bairabi; Open Defecation Free(ODF) a puan a nih theih nan hmalak chhunzawm zel turin District Urban Development Officer leh a thawhpui te hmala chhunzawm zel turin a fuih a ni.

Kolasib town area leh sub-town area te ODF a puan a nih theih nan hian ekin neilo la awmte zawnchhuah hna thawk turin YMA leh VC te ngen ni se tiin vawiin meeting-ah hian rel a ni. Sorkar kum kallai meka ODF a puan a nih ngei theih nan chak zawka hmalak dan tur te sawiho a ni.