Vawiin khan kolasib town road widening committee chu Chairman Pu Zarzosanga kaihhruaina hnuaiah an thukhawm.
Thutkhawmah hian Kolasib khawpui chhunga kawngpui pawimawh tak pahnih CZS Point atanga EE PHE Office, Electric Veng leh Parkkawn atanga St.John's HSS peng inkar zauh tur chungchang sawiho a ni a. Kawngpui zauh tum ina a nghawng tur mimal, khawtlang leh Zirna hmuna hotute chu kawngpui zauh chungchang sawipui tura rel niin Vau thla tahrik ni 14 leh ni 16 hian Committee Chairman hoin a hmuna en tura (site verification) thutlukna siam a ni. Chairman chuan kawngpui zauh chu khaw mipuite tana thil pawimawh tak a nih avangin a nghawng tur mimal, khawtlang leh zirna hmuna hotute pawhin rilru inhawng taka an dawnsawn a beisei thu sawiin insak dawn pawhin kawngpui kan nekchep lohnan lirthei dahna hmun(garage) chu ruahmanna a neih tel a pawimawh thu a sawi bawk a ni.
He hunah hian Road widening Committee member hrang hrang bakah kawng zauh tum ina a nghawng tur khawtlang hruaitute an tel a ni.
