UD&PA Department, Kolasib chuan tukin zing dar 7 khan Mizoram khawpui fai intihsiakna 2018 atana inbuatsaihna leh he intihsiakna in a ken tel Solid Waste Management (bawlhhlawh paih leh sawngbawl dan) chungchang ah awareness programme College Veng Gram Sabha an nei.

He hunah hian DUDO Pi PC Zonuntluangi chuan faina leh thianghlimna pawimawh zia leh kan hriselna nen a inkungkaih dan te sawiin, Kolasib khawpui chhungah bawlhhlawh paih tu ten tawih thei leh theilo thliar hran vek tur a nih thu leh bawlhhlawh thliar hran te chu a sawngbawlna hmun Dihmun Tlangah mumal taka sawngbawl a nih tawh tur thu a sawi bawk a. UD&PA Department chuan College Veng mipuite hman turin bawlhhlawh bawm lian  (Street bin) 5 an pe a, bawlhhlawh tawih thei leh theilo list chhungkaw tin hnena sem tur an pe bawk a ni.

Bawlhhlawh khawn leh paih kaihhnawih ah hian In tinin bawlhhlawh paih man thla khatah Rs 50/- aia tamlo, dawr, sikul, office leh adang ten thla khatah Rs 60/- zel an chawi tawh dawn a ni.

Awareness Campaign hi vawiin vek khan New Builum YMA Hall ah neih ani bawka, Gram Sabha remchanna apiangah Campaign hi neih chho zel tum a ni.