284/2025-2026

Kolasib Dated 23rd April 2025 : Vawiin chawhnu dar 1:30 khan Pu H. Lalramliana, Sub Divisional Officer (Sadar) Kolasib kaihhruaina in Kolasib Venglai Bazar a vantlang inthiarna leh bazar hmunhmate fai zawka enkawl dan tur ngaihtuah in enfiahna neih a ni a. He hunah hian Pu Chinlianmanga, District Urban Development Officer, Pu Lalthangkima, District Commerce & Industries Officer, Pu David A. Lalhmingchhuana, District Information & Public Relations Officer leh Venglai Village Council Member-te an tel thei a ni.

Vawiina Kolasib Venglai Bazar enfiahna hunah hian Venglai Bazara Vantlang Inthiarna hmun atanga tun hnaia a thli lo luangchhuak avanga chawhmeh zuar te ina harsatna an tawh na hmunhma enfiah a ni a. Kum 2019 khan UD&PA Department hnuaiah Venglai Bazarah hian Vantlang Inthiarna hmun sak niin, he vantlang Inthiarna hmun hi hun rei tak enkawltu mumal tak nei lovin a awm tawh a. Hei hian thianghlimna kawngah vantlang mipuite tan harsatna a thlen thin avangin mumal taka hman a nih leh theih dan tur he hunah hian sawiho a ni. Heng bakah hian vantlang mipuite hriselna tur leh Bazar thianghlim taka enkawl dan tur khawtlang hruaitute nen sawiho a ni a, Bazar hmunhma thawmthat ngai laite enfiahna hun neih nghal a ni bawk.