2090/2022-2023
Kolasib dated 27th September 2022: Vawiin chawhnu khan DC Conference Hall, Kolasib Town sanitation Task Force-te chuan thutkhawmna neiin bawlhhlawh thliar hran pawimawhna inzirtirna hawi zawng a ‘Cleanliness Week 2022’ kalpui dan turin relin thutkhawmna an nei a. Pu John LT Sanga, Deputy Commissioner chuan hun kaihruaiin Pu Lalmuan Puia, District Urban Development Officer chuan ruahmanna awmsa hrang hrangte sawi zauna hun a hmang bawk a ni.

Thutkhawmnaah hian ‘Cleanliness Week 2022’ hawnna hun hi Venglaiah ni 1, October 2022 zing dar 7-ah neih nise tih a rel a ni a, faina kawnga hmasawnna a awm theih nana inzirtirna kalpui dan tur te, chhungtinin bawlhhlawh thliar hran an ngaih pawimawh theih nana inhrilhhriatte leh veng, school, office leh hriselna enkawlna hmun hrang hrangahte faina kawnga inelna kalpui dan tur sawiho a ni. ‘Cleanliness Week 2022’ hi ni 1, October 2022 atanga ni 8, October 2022 thleng a hnuai ami zulzui hian kalpui tum a ni.

Day 1 (1.2.2022); Cleanliness Week Opening & Campaign for Segregation of Waste AT Source (SWAS) Flag off. Hemi ni hian. veng tinah ‘Faina Hnatlangpui’ (Mass Cleanliness Drive) neih tur a ni ang.

Day 2 (3.10.2022): Door-to door Campaign on Waste Segregation- Hemi ni hian in, dawr, pisa tinah kalin bawlhhlawh thliar hranna campaign neih ni se. IEC materials Brochures/leaflets/Posters etc. te pawh sem tel theih nise.

Day (3.10.2022): Demonstrations of Schools, Colleges, Markets, Church & Govt Offices- Zirna in Sikul, College leh chawhmeh bazaar-ah te bawlhhlawh thliar hran dan inzirtirna kalpui nise. Two-Bin System hman dan chipchiar takin entirna (demonstration) neih tur a ni ang.

Day 4 (5.10.2022): Visit to waste Management Centres/ On-site composting Estiblishmnet/ Waste Management Facility- Hemi ni hian Stakeholders ten Waste Management Centre nei tan tlawhna hun atan hman nise.

Day 5 (6.10.2022): City/Town-wide Announcements: LC/VC area tina veng tinah aurinna hmangin bawlhhlawh thliar dan inzirtirna neih tur a ni a. Veng hrang hrangte in au chhawk dan tur mumal taka siam nise. Social media kaltlanga campaign neih bawk tur a ni.

Day 6 (7.10.2022): Installation of Innovative collection bins at strategic location- Hmun lun lai leh mipui tamna hmun ahte bawlhhlawh thliar hran inzirtirna turin bawlhhlawh bawm (Twin-bin) hun ni se. Mipuite mit la tur leh danglam taka duan ni thei se.

Day 7 ( 8.10.2022): Cleanliness Week Closing Function- Cleanliness week Closing Function hi phuisui taka buatsaih ni se. Bawlhhlawh thliar hran kawnga hma la tha Veng emaw, mimal emaw te hnenah lawmman hlan theih bawk ni se.