406/2025-2026

Kolasib, the 30th April 2025: Vawiin khan Kolasib DC Conference Hall-ah Addl DC, Pi B Malsawmtluangi hovin Chapchar Kut Organising Committee ten kut thlirletna an nei.

He hunah hian Pi B Malsawmtluangi chuan Chapchar Kut hlawhtling tak an buatsaih avangin Organising Committee te chungah lawmthu a sawi a. DC Office chu a hnarkaitu ber anga lanna awm thin mahse a thawktu tak tak te chu organising leh sub committee hrang hrang te an ni, a ti a. Vawiina kalkhawmten an sawichhuah, hmasawnna tur lam chi te pawh rilrua vawng tlat turin a chah bawk.

Kolasibah hian Chachar kut 2025 hi Diakkawn field ah hman a ni a. He hunah hian Pu Robert C Lalhmangaiha, Kolasib DC chu khuallian niin, thusawi, zai leh lam leh Mizo hnam ziarang hrang hrang te phochhuahna hun hman a ni a. He hun hmanna tur atan hian sub committee hrang hrang, Sound and lighting, Stage, Photo and videography, cultural , decoration etc te ruat an ni a, an chanvo te felfai takin an hlen a ni. 

Vawiin a Chapchar kut 2025 Kolasiba thlirletna neih ahhian Organizing committee te an kal kim hle a ni.