407/2025-2026

Dated Saitual, the 30th April, 2025: Vawiin chawhma dar 11:00 khan Saitual District Land Committee chu Dr. Lalngura Tlau, Saitual Bawrhsap leh SDLC Chairman ni bawk hovin DC Conference Room, Saitualah an thu khawm a, House Pass, Land Lease, Periodic Pata leh Periodic Pata renew dilna te bakah road reserved chungchanga hma lak zel dan tur an ngaihtuah ho a ni.

He hunah hian Dr. Lalngura Tlau chuan kalkhawmte hnenah District Level Land Committee ṭum thumna an thu leh thei chu lawmawm a tih thu sawiin Settlement Officer leh Surveyor-te thawhrimna zarah mipuite pawhin ram pass felfai an nei zung zung thin a ni, a ti a. Bawrhsap chuan mipui mamawh a nih rualin sawrkar tan pawh chhuah lakluhna a ni a, mipui leh sawrkarin a hlawkna an tel ve ve a ni, a ti. SDLC chairman chuan mimal ram teh a nih dawnin a ram neih huam chhungah sawrkar nena insawirem tulna tam tak a awm thin a, chumi atan chuan Land Committee hi a tangkai em em a ni, a ti.    

Vawiin thutkhawmah hian mimal ram dilna House pass – 43 , Land Lease - 3, Periodic Patta renew -16 te ngaihtuah niin pawm a ni a, hemi chungchangah hian House pass leh Land Lease dilna lutte chu Land Committee in a approve hnuah Govt approve turin Aizawl lama thawn thlak thin niin Periodic Patta erawh Setlement Officer, DC Office, Saitual hriatpuinaa tih nun a nih hnuah pek chhuah mai theih a ni ang. Heng bakah hian road reserved chungchang sawiho a ni a, Land committee chuan in sa thar tur reng rengin Settlement officer, DC Office hnenah dilna siamin an thlen thin tur a ni tih chu Committee hian a pawm a ni.      

Vawiin thutkhawmah hian Dr. Lalngura Tlau, SDLC chairman & DC, Pu Lalthakima Chhangte, SDO (Sadar) & Settlement Officer, Revenue Branch-a Surveyor-te bakah line department hrang hrang aiawh, NGO aiawh, Political party aiawh te bakah sawm bikte atangin Tualbung leh Sihfa VC aiawhte an tel a ni.