3197/2024-2025

Dated Kolasib the 26th November 2024: Vawiin khan Kolasib DC Conference Hall ah Dharti Aaba Janjatiya Gram Utkarsh Abhiyan , November ni 15 2024 atanga November ni 26 2024 chhung a IEC Campaign neih chu kharna hun hman a ni a. He hun hi Kolasib DC ,Pu Robert C Lalhmangaiha chuan kaihruaiin Department sawm bik hotute leh School Naupangte an tel a ni.

He hunah hian Kolasib DC Pu Robert C Lalhmangaiha chuan thu sawiin Dharti Aaba Janjatiya Gram Utkarsh Abhiyan chu ram leilung fa- tribals te chawikanna tur scheme pawimawh tak a ni, a ti a. He scheme hmang hian India rama Tribal group 700 chuang leh tribal mipui vaibelchhe nga chuangin kawng hrang hrangah hamthatna an hmuh theih phah dawn a ni, a ti. DC chuan he scheme thehdarh nan hian essay competition te, painting competition leh photo booth te pawh siam a ni a, a scheme kalpui chungchang erawh Aizawl lama Social welfare Department zai ngaiin District dangte rualin kalpui a ni ang, a ti.

DC office atanga he scheme incharge a tana ruat, Pi Zoringsangi, SDC Kolasib in IEC hmalakna te a tarlang a. IEC campaign chu DC Conference Hall ah November ni 15 a launching hman a nih thu sawiin, chumi rual chuan free medical check up te, social media campaign te leh essay leh painting competition te pawh neih a ni, a ti.

Vawiin a he scheme puala Essay leh Painting lawmman dawngtute chu a hnuaia tarlan te hi an ni:

Essay Competition
1st. Jacob Lalchawisanga St John Hr Sec School
2nd. Sally Lalrinawmi St John Hr Sec School
3rd. Laldintluanga St John Hr Sec School

Painting Competition
1st. Tommy Lalremruata St John Hr Sec School
2nd. HK Malsawmzuala St John Hr Sec School
3rd. K Lalmuansangi St John Hr Sec School

Vawiin a he scheme puala Essay leh Painting lawmman dawngtute chu a hnuaia tarlan te hi an ni:

Essay Competition
1st. Jacob Lalchawisanga St John Hr Sec School
2nd. Sally Lalrinawmi St John Hr Sec School
3rd. Laldintluanga St John Hr Sec School

Painting Competition
1st. Tommy Lalremruata St John Hr Sec School
2nd. HK Malsawmzuala St John Hr Sec School
3rd. K Lalmuansangi St John Hr Sec School

Dharti Aaba Janjatiya Gram Utkarsh Yojana Abhiyan hi Tribal te hamthatna tur scheme pawimawh tak a ni a. Central ah chuan Ministry of Tribal Affairs hnuaiah awmin Mizoram ah thung erawh Department of Social Welfare and Tribal affairs in he Scheme hi an kalpui dawn a ni. He scheme ina a tum ber chu Tribal Community te an ei leh bar dinhmun siamthat a Tribal chhungkua te leh Tribal tam zawkna khuate , Aspirational Block khuate, Tribal Population tamtak awmna te kawng hrang hrang a an mamawhte phuhruk sak a an dinhmun chawikan a ni. He Scheme hi kum nga chhung (2028-29 thleng) kalpui tura ruahman a ni.