4343/2024-2025

Kolasib, the 19th February 2025 : Vawiin chawhma khan Kolasib DC Conference Room ah Kolasib DC, Pu  Robert C Lalhmangaiha kaihhruaina hnuaiah District Agricultural Marketing Committee te an thu khawm a, naktuk february ni 20 atanga sawhthing lei/ hralh chhuah tan tur chungchang leh tul dang pawimawhte an sawiho.

Ruahman lawkna angin Banakaih Scheme hnuaia Sawhthing lei/hralh khawm chu naktuk Feb ni 20 khian tan a ni dawn a. Kolasib District ah pawh Secondary Collection Centre- Bukpui, Lungdai leh Thingdawl ah Sawhthing buk hna hi kalpui a ni anga, saipum leh vairengte ah erawh sawrkar inpeih tawh mahse a lakhawmtute lam atanga an la inpeihfelloh deuh avangin Feb ni 25 atang khian buk a ni ve thung dawn a ni. Naktuka Sawhthing Auction tur hi Kg 1 ah cheng 50 a tan a ni ang.

He hunah hian Secondary Collection Centre atanga sawhthing thar chhuah beisei zat te, SCC supervisor tur ruat te, ip a dahkhawmna-mesh bag lei khawm dan tur chungchangte, official duty te an expenditure re-imburse dan tur chungchangte, Local purchase advisory board din tur chungchangte leh tul pawimawh dangte an sawiho a ni.

Vawiin thutkhawmna ahhian DC chuan sawrkar chuan mipuite hamthatna tur chu kawng hrang hrangin a ngaihtuah a chung zinga pawimawh tak mai chu loneitute leh kuthnathawktute in a an kutkawih eizawnna hlawk zawka an neih theih nana hmalak a ni, a ti a. Chu hmalakna zinga pawimawh tak mai bawhzuia District agriculture marketing committee te an thukhawm thei leh naktuka sawhthing te buk tan a ni thei dawn ta chu a lawmawm takzet a, mipuite tan an ei leh bar zawnna kawnga hmasawnna pawimawh tak a nih chhoh ngei a beisei a ni, a ti.

Pu Joseph Lalnuntluanga, District Agriculture Officer leh Kolasib DAMC member secretary ni bawk pawh in thu sawiin, Kolasib District ah primary society khawtinah din tum a nih thu leh tun dinhmunah khaw 55 ah din a nih tawh thu a tarlang a. Primary Society ten thlai thar an lakkhawmte an dahkhawmna tur Secondary collection center chu khaw nga ah a awm mek a ni, a ti. loneituten an thlai thar te chu Primary collection center ah phur khawmin, chuta tang chuan secondary collection center ah an chhung khawm leh anga, chuta tang a an hralh chhuah chiah chu sorkarin support price a pe thei dawn a ni, a ti.

Vawiin hun ahhian Aizawl atangin Daniel Lalawmpuia, MAMB Co opted member pawh lo kalin sawrkarin a he scheme a kalpui dan tur chiang zawka sawizauna a nei a. Thutkhawmna ahhian Local Purchase Advisory Board Member atana ruat; Chairman atan DC kolasib leh Members atan District agriculture officer leh District horticulture officer te chu pawm tlan a ni.

Hand Holding Policy hnuaiah hian Thlai thar marketing kalpui a ni a, Thlai pali Sawhthing, Aieng, Mizo Hmarchate leh Hmunphiah te Notified an ni a, heng hi DAMC enzui tur a ni. Kolasib leh Mamit bikah Buhhum lei pawh Pilot Project angin Agriculture Marketing- hnuaia kalpui a ni. Kolasib District bikah DAMC hian Primary Society  khaw 55 ah a notify a, heng hmun hi Primary Collection Centre tih a ni a, Secondary Collection Centre khaw ngaah notified a ni bawk.

Vawiina DAMC Kolasib te thutkhawmna ahhian DAMC Chairman leh Kolasib DC ni bawk, Pu Robert C Lalhmangaiha, DAMC secretary-District Agriculture Officer , Pu Joseph leh DAMC member te an tel kim hle.