490/2024-2025

Kolasib dated 16th May, 2024: Vawiin khan DC Conference Hall, Kolasibah Pu John LT Sanga, Deputy Commissioner kaihhruainain District Consultative Committee, District Level Review Committee & District Level Security Committee chuan thutkhawmna an nei a. Pu PC Lalnunpuia, Leed District Manager chuan thu rel tur hrang hrang sawi zauna hun hmangin Pu Siddharj, Leed District Officer, RBI, Pu JD Traite, DDM, NABARD, Line Department Officer leh Kolasib district chhung a Bank hrang hranga thawktute an tel a ni.

Pu John LT Sanga, Deputy Commissioner chuan Bank chu mipui indawrtawnna hmun lun leh pawimawh tak a nih angin min dawrtute dawnsawn kawngah hawihhawm leh dawhtheihna neih thin a pawimawh thu a sawi a. Ruahmanna fel tak nen harsatna lak a chhungkaw tam tak khai chhuak thei tur leh khawtlang leh ram tihmasawn thei tur khawp a thawktu pawimawh tak ni zel turin Bank-a thawktute chu a fuih bawk a ni.

Thutkhawmna hmasa a lo rel tawh hmachhawp hrang hrang bawhzui a nih dan thlirletna hun vawiin hian neih niin mihring 2000 aia tlem awmna khaw 29 zing a khaw 23-a cheng ten Bank kalhmang an hriatna tur leh an hman tangkai theihna turin Business Correspondence dah a nih thu leh a bak khaw 6 chu Indian Postal Payment Bank-in a tuam tawh thu ngaihthlak a ni a. March 2024 thleng khan Sawrkar laipui hnuai a hmathatna dawng thei tur a Pradhan Mantri Jan-Dhan Yojana (PMJDY)-a inziaklut mi 22702, Pradhan Mantri Jeevan Jyoti Bima Yojana (PMJJBY)-a inziaklut mi 8840, Pradhan Mantri Suraksha Bima Yojana (PMSBY)-a inziaklut mi 16111 leh APY-a inziaklut mi 1037-an awm mek thu tarlan niin khaw hrang hrang ah Financial Literacy Camp tum 44 buatsaih a nih thu ngaihthlak a ni bawk. Annual Credit Plan –ina kuthnathawktute tihhmasawn nana hmachhawp a siam atanga 96.81% chu tihfel tawh a nih thu leh Crop Loan pek chhuah tur erawh bituk zat atangin za zel a 49.79 chauh pekchhuah hman a nih thu tarlan a ni a. Kum 2023-24 chhung a Government Sponsored Scheme, Prime Minister's Employment Generation Programme (PMEGP), National Rural Livelihood Mission leh National Urban Livelihood Mission hnuai ah loan 160 pekchhuak a ni bawk.

Deputy Commissioner Pu John LT Sanga chuan Kolasib district chhung a Bank hrang hrangin sum an pekchhuahna tur a inkaihhruaina,’ Annual Credit Plan for Financial Year 2024-25’ tlangzarhna hun a hmang a. Sum dah luh leh loan hmang a pekchhuah zat, Credit Deposit Ratio chu za zelah 69.01 a nih thu thutkhawmnaah hian tarlan niin hei hi kum hmasa nen khaikhinin za zel ah 6.43 a pung ang a ni.