491/2024-2025

Champhai, the 16th May, 2024: National Dengue Day pualin vawiin khan Govt. Ruantlang High School, Champhaiah National Centre for Vector Borne Diseases Control (NCVBDC) buatsaihin hun hman a ni.

He hun hmanpuitu Senior Chief Medical Officer Dr. PC Lalhmingliana chuan National Dengue Day hman a nih chhan sawifiahin, Champhai District chu Dengue natna buaipui ngaihna district a la nih vat a rin thu leh tun maiah chuan a vei finfiah an la tam loh thu a sawi a. Nakin zel atana inpuahchah a tul thu sawiin, dengue dolet nana fimkhur taka hmalak leh inhrilhhriatna neih a pawimawh thu a sawi bawk.

Vawiin hun hmanah hian Pi Lalhmingmawii, Champhai District DVB Consultant-in Dengue natna lanchhuah dan leh a inven dante kimchang takin a sawi a. Pu Laldinsanga, DPM Khawzawlin lawmthu sawiin hun hman a khar a ni.

Hemi hnu hian khawlaiah Dengue chungchang inzirtirna poster-te tar a ni a. He ni pual hian Local Cable TV lamah Dengue chungchang zirtirna thuziak leh video-te chhuah a ni bawk.

He hun hmannaah hian Health Department-a thawkte bakah Govt. Ruantlang High School Zirtirtute, Zirlaite leh BDO Champhai Office-a thawktute an tel a ni.

Vawiin vek khan National Dengue Day hi Undivided Champhai District huamchhunga khaw hrang hranga PHC ahte pawh hman a ni a. Awareness Campaign leh Thosi pian theihna tui tling tih bo hnatlangte neiin hun an hmang hlawm a ni.