492/2024-2025

Dated: Aizawl the 16th May: Vawiin chhun khan State Level Sub Committee on Green Mizoram, 2024 chuan Conference Hall of Forensic Science Laboratory, MINECO -ah thutkhawmna hun hmangin nikum 2023 a hmalak tawhnate thlirhona hun a neih mai bakah Green Mizoram Day 2024 agenda hrang hrang sawi hona hun a nei bawk. He thutkhawmna hi Pu H.Lalengmawia, , Co- Chairman, SLSC ON Green Mizoram, Commisioner& Secretary, EF& CC chuan a kaihruai a, report ngaihthlak a ni bawk.

Vawiin thutkhawmna a committee thurel te chu a hnuaia tarlan angte hi an ni:

1. Green Mizoram Day 2024 thupui (theme) atan “I nunna atan thing phun rawh” (Plant trees for your life) thlan a ni.

2. State Level leh District Level a kangmei veng tha District leh khua te chu kum dang a tih thin angin lawmman pek chhunzawm tura ruahman a ni.

3. A hmanna pui ber State level Inaugural function leh he ni puala thing phunna hmun atan Zokhawsang, Assam Rifle’s Complex chu thlan a ni.

4. Ramngaw humhalh kawnga thawk tha bik mi pathum hnenah chawimawina cash award Rs. 10,000/- theuh leh citation pek ni se tih rel.

5. Hemi ni hian sawrkar department te leh institution hrang hrang te’n hmun rem an neih chuan thing tiak phun se tiin an rel bawk.

6. EF&CC Dept.in alo ruahman thin angin kuminah pawh hian thing tiak mamawhte tan a tul angin a ruahman ang.

7. He ni denchhen a thing tiak la zawng zawng ten an thingphun te an enkawl zui ngei ang tih intiam kamna nen kumin hian thing tiak hi pekchhuah ni se tih a rel.

He thutkhawmnaah hian nikum lama hmalakna te thlir ho a ni a. Chhinchhiah dan chuan nikum khan thing tiak 29,839 chu phun niin, 1,26,722 thing tiak chu department hrang hrang hnenah leh NGO etc hnenah sem a ni bawk.