459/2025-2026

Kolasib Dated 5th May, 2025 : Vawiin khan Kolasib DC Conference Hall-ah District Level Government Land Authority thutkhawmna neih niin, Pu Robert C. Lalhmangaiha, Deputy Commissioner Kolasib chuan he thutkhawmna hi a kaihruai a ni.

Vawiin a Meeting-ah hian State Level Government Land Authority hnuaia Kolasib District chhunga Sawrkar in ram a neihte chungchanga General Administration in District Level-a hmalakna a chhawpchhuahte sawi hona neih a ni a. Pu Robert C. Lalhmangaiha, Kolasib DC chuan ram hmasawnna tur ngaihtuaha vawiin District Level Government Land Authority Meeting neih a ni thei chu lawmawm a tih thu sawiin he huna kalkhawmte chu khawtlang leh ram hmasawnna kawnga Sawrkar hmalakna chak taka a kal theih nan an thiam leh theihna te hmang zel turin fuihna thu a chah a ni.

Vawiin Kolasiba District Level Government Land Authority neihna ahhian District Social Welfare & Tribal Affairs Building thar sakna hmun tur chungchanga hmalakna awm tawhte thlirhona neih niin, Joint Spot Verification neih a nih tawh dante Report ngaihtlak a ni a. District Animal Husbandry & Veterinary Department ram ‘Land Lease’ thar siam chungchangte sawihona neih a ni bawk.

Meeting-ah hian Mizoram Government Land Pooling and Management Scheme, 2018 in District Headquarters-a Sawrkar hnathawk - Officer leh Staff-te tana luah theih tur - General Pool Residential Accommodation (GPRA) siam tur chungchangte sawiho a ni bawk a. Heng hmalakna te hi tha taka kalpui a nih zel theih nan zirchianna fel zawk leh Spot Verification neih belh a tul tih General Administrative Department lam hrilhhriat nise tiin District Level Government Land Authority Meeting chuan an rel a ni.

He hunah hian Pu H. Lalramliana, SDO(S) leh Settlement Officer ni bawk chuan District Level Government Land Authority hmalaknate Report a pe a. Kolasiba Sawrkar Department hotu thahnem tak ah hian an tel thei bawk a ni.