460/2025-2026

Dated: Mamit the 6th of May, 2025: School Education Department leh MSACS thawhhonain Mamit District-ah High School leh Higher Secondary School zirlaite tan MSACS Sport Festival neih a ni a, festival chhung zawng hian sports  kaltlanga Drugs Abuse, Safe Sex, HIV/AIDS leh STI-a inhrilhhriatna leh inzirtirna neih nghal a ni.

Opening Ceremonyhi ni 29th April,2025  khan Mangkhawngdai Futsal Ground-ah neih a ni, Pu K. Laltlawmlova, District Bawrhsap chu khual lian niin hawnna hun a hmanpui. 

He MSACS Sport Festival-ah hian Football (Mipa), Volleyball (Hmeichhia), Tug of War (Mipa leh Hmeichhia) leh Inkawibah (Hmeichhia)-ah te intihsiakna neih a ni.

Closing ceremony chu 2nd May, 2025 khan GSA Playground, Mamit-ah neih a ni a, Pu K. Lalnunfela, District Education Officer chuan kharna hun a hmangin school tithate hnenah lawmman sem nghal a ni. 

He Sports festival-ah hian school 12 tel in High School-ah 11, Higher Secondary School-ah 2 te an ni. Higher SecondarySchool intihsiaka a pumpuia titha ber chu Govt. Mamit Higher Secondary School (Gold 5) niin, High school lamah chuan Govt. Mamit High School titha berin Gold 2 leh Bronze 2 an la a ni.