2755/2024-2025

Dated Kolasib the 29th October 2024 : Vawiin khan Kolasib DC Office Chamber ah Rural Self Employment Training Institute chungchang ah District Level RSETI Advisory Committee thuthkhawmna neih a ni a. He hun hi DLRAC Chairman leh Kolasib DC ni bawk Pu Robert C Lalhmangaiha chuan kaihruaiin  RSETI hmalakna leh an kal zel dan tur te ngaihtuahho a ni. 

He hunah hian hun kaihruaitu Kolasib DC Pu Robert C Lalhmangaiha chuan RSETI chu nitin kuthnathawk a eizawng te tan a pawimawh thu a sawi a. Sawrkar chuan thingtlang a cheng ten an mahni kutkawih a hna an thawh theih nan thiamna pek chu a ngai pawimawh takzet a ni, a ti a. RSETI a training chhuak te chu national level certificate pek an nih mai bakah an eizawnna bul tanna tur loan lak na thleng a ngaihtuah sak in Bank nen an in thlunzawm a, chumi hmang chuan mi tamtak in thiamna chhar chhuak in eizawnna ngialnghet zawk an lo nei tawh a ni, a ti.

Vawiin a thuthkhawmna ahhian thurel panga awm in chungte chu FY2024-25 atana Annual Action plan leh Budget chungchangte, Uniform HR policy neih chungchangte, Quarter Performance review te, ram allotment chungchang te leh SDR report te an ni.

Financial year 2023-24 chhung hian training vawi 13 conduct tawh niin, target bituk hi hlen chhuah a ni a. BPL chhungkua 210 leh APL chhungkaw 164 te a huam  bawk. RSETI bazar hi hmun khat ah huaihawt tawh niin National Centre For excellence of RSETI hnenah success story 16 thlen a ni tawh bawk.

Rural Development and Self Employment Training Institute hi ram chhunga unemployment rate sang tak tihhniamna kawng pakhat atana ruahman a ni a. Hemi kaltlang hian a thlawna Residential Training chi hrang hrang kalpui niin, loan awlsam zawk a lak a nih theih nan training chhuak te tan credit linkage buatsaih sak a ni. RSETI hnuaiah hian program hrang hrang awmin chungte chu ar vulh, vawk vulh, Bee keeping, travel & tourist guide, pa khawi, puan thui inzirtir te leh thiamna dang te an ni. 

Vawiin a Kolasib a District level RSETI Advisory Committee thuthkhawmna ahhian Kolasib DC bakah S. Balamurugan AGM, RBI te, JD Traite, DDM Nabard te, Pu C. Laldampuia, Director RSETI Kolasib te, Pu Saibal Kanti Roy, General Manager MRB, KVI, Vety, DRDO aiawhte leh DIPRO Kolasib te an tel a ni.