2754/2024-2025

Aizawl dated 29th October 2024: Vawiin khan Food, Civil Supplies & Consumer Affairs Minister Pu B Lalchhanzova chuan Indian Oil Coorporation hotute kawmin Mizoramah kum dang zawng aia ruah  sur a tam thu sawiin hei hian ei leh bar chawk luhna kawng ah harsatna hrang hrang siam mahse Mizoram a LPG Supply ah harsatna lian a thleng lo chu lawmawm a tih thu a sawi a. Hetiang dinhmun thleng tur a Indian Oil Corporation Limited,  LPG Distributor leh thawktu te zawng zawng inpekna ah lawmthu sawiin mipui tan a thahnemngai lehzual a thawhho pui ah a sawm bawk a ni. 

Pu Rajjyoti Das, Deputy General Manager and Head, Silchar Indane Divisional office chuan Mizoram sawrkarin theih tawp a chhuahpuina ah lawmthu a sawi a, Mizo mipuiten hnianghnar tak a LPG Supply an hmuh theih nan theihtawp an chhuah thin thu a sawi bawk.

Mizoram hian thla tin LPG Cylinder 6000-7000 atang mamawh ang a nih thu he hun ah hian tarlan niin  truck 20-25 phur vel a ni. Inkawmna hun ah hian Mualkhang-a LPG Bottling plant siam thar mek chungchang leh Oil Depot din thuai a nih theih nana hmalak dan te sawi lan a ni bawk.