2753/2024-2025

Champhai, 29th October 2024: Vawiin khan Champhai District Election Officer Pu VL Remliana, Champhai Bawrhsap ni bawk chuan 'Draft Electoral Roll for Special Summary Revision 2025' chu a tlangzarh.

Draft Electoral Roll  tlangzarh inkhawm hi DC Conference Hall, Keifangtlangah neih a ni a. District Election Officer Pu VL Remliana chuan inthlanna felfai leh thianghlim nei tura pawimawh ber chu Electoral Roll-a chuang tur dik takte chauh an chuan a nih thu sawiin chutiang a nih theihna tur chuan tanrual a ngai a, thawktu ten fimkhur taka an kalpui zel a tul thu a sawi bawk.

Vawiina Draft Roll tlangzarh taka tarlan a nih danin Champhai district chhunga A/C pathumah voter 57712 awmin mipa 28158 leh hmeichhia 29554 an awm a, mipa aiin hmeichhe 1396 in an tam zawk a, Service voter mi 393 an awm bawk a ni. Draft roll tlangzarh takah hian Final roll 2024 aiin voter 258 in an tam zawk a ni.

Champhai District chhungah Champhai South-ah voter tam berin 21767 an awm a, 2023 final roll aiin mi 233 in vote nei an pung a, Champhai North-ah 20150 awmin vote nei mi 37 in an pung a, East Tuipuiah 15795 awmin vote ni mi 12 in an kiam thung a ni. East Tuipui ah Vote nei hmeichhia aiin mipa 177 in an tam zawk a, Champhai South leh Champhai North-ah erawh chuan mipa an tlem zawk thung a ni.

Voter tam ber chu kum 20 atanga kum 29 inkar niin vote nei 15319 an awm a, kum 30-49 mi 14126, kum 40-49 mi 10656, kum 50-59 mi 6742, 60-79 mi 6866 awmin kum 19-18 mi 3085 an awm a, kum 80 chunglam mi 854 an awm bawk a. 

Roll-a inziaklut thar duh emaw Draft Roll tlangzarh taka sawisel duh nei te tan November ni 28 thleng hun hawn a ni a. Final Roll hi December ni 6, 2024 hian tih chhuah tur a ni. Special Summary Revision ah hian January ni 1, 2025 a kum 18 tling chin tan inziahluh theih a ni.

Vawiina tlangzarh tak Draft roll copy hi Political party aiawhte leh tlawmngai pawlte hnenah Election Officer hian a hlan a ni.

Hemi hnu hian District Level Standing Committee chu an Chairman Pu VL Remliana ho hian an thukhawm nghal a. Electoral Registration Officer leh Asst Electoral Registration Officer te pualin training neih nghal a ni bawk.

champhai draft roll.pdf