2790/2024-2025

Dated Kolasib the 31 October 2024 : Vawiin khan Kolasib Diakkawn YMA Hall ah District Level Task Force on Ruihhlo Do leh Diakkawn YMA buatsaih in ruihtheihthil laka fihlimna Campaign Zirlaite pual bik a buatsaih a ni a. He hun hi Pu Robert C Lalhmangaiha, Kolasib DC ni bawk chuan a hman pui a ni.

He hunah hian Kolasib DC Pu Robert C Lalhmangaiha chuan thu sawiin, tleirawl leh rawlthar zinga hun pawimawh tak nei  thei tura a awm chu lawmawm a tih thu a sawi a. Kolasib District Mizoram tan a pawimawhna sawiin, Assam nen inrina Mizoram chak lak na ber a ni a, bungraw tamtak lut zingah  thil thalo, ruihtheihthil pawh  a lut tel thin a, chu mi dang tur chuan Kolasib a chengte leh YMA te mawhphurhna a sang takzet a ni, a ti. 

DC chuan kalkhawmte chu sualna hrang hrang ; ruihtheihthil te leh hur sualna laka fihlim turin a chah a, chu chu Pathian thu in min zirtir dan pawh a ni, a ti. Thangthar kalkhawmte chu naktuk a Mizoram tur chu anmahni an ni tih hria a, ram hmangaihna thinlung  pawh an put a ngai a ni, a ti. Mizo culture  ngai pawimawh a chhawm nung zel tura chah in kan hnam nun a pawimawh tak khuang hnih hlate pawh ngaihlu turin a chah bawk. 

Vawiin a Zirlai pual a  Ruihhlo Do na Program ahhian Ruihho in kan hriselna a khawih pawi theih dante leh kan rilru lam thleng a nghawng a neih dan te zir ho a ni a. Master Trainer, Lalremsiama Varte leh Pu David Zaitinvawra DCPO te atangin zirtirna ngaihthlak a ni. 

Program hi Pu Lalrinmawia Ngente, Chairman, Education Sub Committee in kaihruaiin, Diakkawn YMA Secretary atanga ruihhlo do kawnga report ngaihthlak a ni bawk a. He hun a tel tur hian class 7 atang Class 12 inkar tinzawn deuh bik  an ni.  November thla chhung hian Kolasib ah YMA Branch hrang hrang ah Ruihhlo do kawnga hmalakna hi kalpui a ni ang.