2789/2024-2025

31st October, 2024 : Mizoram infiamna huang chhunga inelna hautak te zinga mi, kawngthui leh hahthlak tak zawh athirsakawr intlansiak Tour de Hmuifang 2024 chu October ni 31, 2024 (Ningani) zing dar 6:30AMkhan Tourism Minister Pi Lalrinpuii’n Vanapa Hall kawt atangin a vai liam a. Chawhnu herah khan intihsiakna hi hlawhtling taka zawh fel niin Elite Category -ah K. Ronel Singh a champion a ni.

Flag Off Programme hi Dr. Franklin Lalrinngheta, President MiCA in a kaihruai a, Riders tefuihna leh duhsakna thu sawiin Mizoram Polution Control Board Benjamin Lalnunsanga,Programme Officer in boruak thianghlim vawn him pawimawh zia leh chumi tur a Thirsakawrkhalh intihhmuh zel turin pungkhawm te thu a chah bawk.

Aizawl atanga Hmuifang Tlang thleng tlan a ni a, hming pe 48 zingah mipa 46 niin Hmeichhia 2an ni a, State pawn atangin mi 13 an rawn tel bawk. Category tinah champion hmelthar an awma ni. Tourism Department, Govt of Mizoram, Mizoram Cycling Association (MiCA) leh NECtangkawpin an buatsaih Tour de Hmuifang ah hian Categoty chi hrang panga a awm a – Junior,Elite, Master leh Road (Open) Category leh Hmeichhe Category buatsaih a ni bawk.Minister hian thu sawiin infiamna hrang hrang zingah Thirsakawr vangin Mizoram in ram danghmelhriat kan hlawh chho mek a, Tour de Hmuifang intihsiakna State pawn mi ten hmelhriat aan rawn tel chu lawmawm a tih thu sawiin Mizoram Tourism hmasawnna kawng pawimawh taka nih thu a sawi a, hei aia changtlung zawk a buatsaih tum zel a nih thu sawiin infiammi tentheihtawp chhuah a, Mizoram ti hming mawi tura tan la zel turin a fuih a ni.

TDH24 ah hian State pawn atangin India ram Rider tha mi 13 lai an rawn tel a, Manipur atangin3, Meghalaya 9, Bangalore 1 te an ni. Hei hian Mizoram a Thirsakawr intlansiak in ngaihven ahlawh chho tih a ti lang viau a ni.

Junior leh Master Category te hi Maubuang khawchhungah an tlan lut chho a, Thiak khawchhungTlang chhip lamah chho in kawngpui an rawn pawhthla leh a, Midum kham ah chho in Hmuifangan thleng a, an tlankawng thui zawng hi 54km a ni.

Open (Road) hi Hmuifang kawngdungpangngaiah an tlan a, an tlankawng thui zawng hi 50km a ni.

Intihsiakna hautak ber leh pui ber Elite Category hi Muallungthu atangin Tuirial lamah liam thlain Khumtung ah an chhuak chho a, Baktawng, Hmawngkawn, Chawilung, Lamchhip lamahkalin Hmuifangah an rawn chhuak chho a, an ni tlankawng thui zawng hi 82km a ni.

Inelna hautak ber leh pui ber Elite Category-ah K. Ronel Singh, Manipur pakhatna a ni a, Junior(kum 18 hnuai lam)-ah Thotmachan , Manipur pakhatna a ni.

Master Category (kum 35 chin chunglam)-ah Peter Zohmingliana, Bungkawn pakhatna niinOpen (Road Category)-ah Laldintluanga, Chanmari pakhatna a ni.

Kharna leh lawmman semna hun hi Hmuifang Tourist Resort-ah hman a ni a, Lalrinfela, Gen Secy MiCA in kaihruaiin Pi R. Lalrodingi, Tourism Dept. chu khuallian a niin, “Thalai zingahruihtheih thil ti an thahnem thu te hriat tur awm mah se, Mizo thalaite ruihhlo laka fihlim tam tak,mahni hriselna ngaipawimawh tak tak an thathnem thu a sawi bawk a ni. MiCA ten Cycling tanatheihtawp an chhuah lawmthu sawiin state dang pathum atanga cyclist 13 lai an lo kal thei techu lawmawm a tiin tourism tan pawh hei hi a la tangkai zel dawn,” thu a sawi bawk a ni.

Mizo thirsakawr khalh mite hian India Hmarchhak huap inelnaah lawmman an lo dawng fo tawha, India ram hmundanga intlansiak rothap, hnamdang ramdang mite nena inelna, Himalayatlang pang per awih bakbahai leh khawkrawk tak taka intlansiaknaah te pawh an lo tel tawh a,national MTB championship leh National Road Bike Championship ah inlan tawhin hmasawnnahmel hmuh mek zel a ni.

CATEGORY RESULT (FINAL)

ELITE CATEGORY 

Pakhatna         : K. Ronel Singh                                 Manipur

Pahnihna         : Kharising Adonis Tangpu                 Manipur

Pathumna        : Mesak Vanlalvena                             Sihfa

JUNIOR CATEGORY

Pakhatna         : Thotmachan Awungshi         Manipur

Pahnihna         : Vanlalruata                            Tuirial

Pathumna        : Mack Amazing Khyllait       Meghalaya

Pathumna        : Lalrinsanga                           Pangbalkawn

OPEN ROAD CATEGORY

Pakhatna         : Laldintluanga                        Chanmari

Pahnihna         : Lalremsanga             7+        Seling

Pathumna        : Dr. Dennis MalsawmtluangaLuangmual

MASTER CATEGORY

Pakhatna         : Peter Zohmingliana              Bungkawn

Pahnihna         : Lalduhkima                           Bawngkawn

Pathumna        : Nelson Hoover                      Bangalore

WOMEN EXHIBITION PARTICIPANTS

K. Malsawmkimi                                            Chawnpui Veng

Lalrimawii                                                      Zuangtui