2974/2024-2025

Kolasib Dated, the 13th November, 2024: Vawiin chawhnu dar 2:00 khan Kolasib DC Conference Hall-ah Kolasib District chhunga lirthei tlan dan chungchangah 'District Traffic Management Committee' neih a ni a. Kolasib Deputy Commissioner Pu Robert C. Lalhmangaiha, District Traffic Management Committee chaiman chuan he hun hi a kaihruai a ni.

Pu Robert C. Lalhmangaiha, Kolasib DC chuan khawvel changkanna leh hmasawnna thang zelah Sawrkar chuan mipuite himna ngaihtuahin dan leh inkaihhruaina siamin a ennawn thin thu a sawi a. Hemi rilru pu a vawiin a Kolasiba lirthei chet dan tur ngaihtuah a Traffic Management Committee neih a ni thei chu lawmawm a tiin, mipuite pawn heng dan leh inkaihhruaina siamte hi kan him tlanna tur a ni tih hria a Sawrkar thuchhuakte ngaichang turin a chah bawk.

He hunah hian Kolasib Senior Superintendent of Police (SP) Pu David H. Lalthangliana chuan Kolasib District chhunga Traffic Movement leh Parking Area chungchanga inkaihhruaina awm tawh sa leh dan ding laite Report a pe a. Kolasib District chhunga lirthei hrang hrang luh leh chhuah dan bakah lirthei tlan  tam bikna hmunte leh vantlang tana him tawk lo a ngaihte tarlanna hun a hmang bawk. Mipui leh lirthei lo pung zelah Traffic Movement chu zirchian reng a nih thu Kolasib SP chuan a sawi a ni.

Vawiina Kolasiba Traffic Management Committee neihna ah hian Kolasib khawchhunga Speed Breaker dah a tulna laite ngaihtuah a ni a. Khawchhunga lirthei lian tlanluh hunte leh Bungraw Unload hun turte sawihona neih niin, lirthei tlan tam hun Peak Hour-ah mipuite him tlan zawk nana lirthei tlan dan tur ngaihtuah a ni a.

He hunah vek hian Traffic Warden neih dan tur sawi ho niin Parking Area leh Non-Parking Area chungchang sawi hona neih a nih bakah Commercial Vehicles-te dinna hmun sâwi danglam dan tur chungchang sawihona neih a ni a, DC kaihhruaina in Traffic Sub-committee te nena a hmun ngei a enho tura ruahman a ni. Kolasib khawpui chhunga lirthei hman tawh loh rei tak tak kawngpui sira dah thin te hmun dangah dah tura ngenna te, Kawngpui sirah zan riak lirthei dah phalloh te, In sakna bungraw te kawngpui sir a zan khat bak dah phal loh te, lirthei neitu ten engemaw pawha inbiak pawhna turin wind shield glass chhung lamah in biak pawh theih na tur phone number tar tur te leh Traffic sub-committee-in thuchhuah a lo neih tawh vil zui anih tur thu sawiho a ni. December ni 16 atang a ni 21 December, 2024 chhung a Zero Tolerance Week neih tur thu sawiho a ni bawk.