No.2540/2021-2022
Aizawl dated 8th October 2021: Vawiin chawhnu khan I&PR Conference Hall, Kolasibah 'Faina Hapta 2021, Faina - Kan In leh a Chheh vel atangin' tih thupui hmanga ni 2, October, 2021 atanga hman tan chu vawiin khan a kharna hun hman a ni a. Dr.H.Lalthlangliana, Deputy Commissioner chu khuallian niin Faina Hapta hman chhunga inelna hrang hrang buatsaih a titha zualte hnen ah lawmman semna hun hman nghal a ni.

Khuallian Dr.H.Lalthlangliana chuan Kolasib khawpui chu UD&PA Department hnuai a Solid Waste Management Centre leh PHED enkawlna hnuai a Plastic bottle sawngbawlna, Plastic Bailing Machine awmna hmun a nih piah lamah bawlhhlawh sawngbawlna kawnga dan mumal tak nei tawh a nih avangin mitinin bawlhhlawh sawngbawl kawnga mahni mawhphurhna theuh an hlenchhuah chuan Mizoram pum a khaw fai ber a nih thuai theih thu a sawi. Faina Hapta hman zawh tawh ni mah se, faina kawnga hmalakna hrang hrangte erawh kum tluan a chhunzawm zel turin Dr.H.Lalthlangliana chuan kalkhawmte a chah a, lawmman vang ni lova fai duh vang zawk a fai tur a hma laturin a chah bawk a ni.

He hun hi Pu Gaston Vanlalhriatpuia, DUDO-in kaihruaiin Sawrkar Department hotute, Kolasib Town Sanitation Task Force, Kolasib khaw chhung VC leh YMA hruaitute leh NGO hrang hranga hruaitute an tel a, faina kawnga inelna hrang hrang endiktuten faina kawnga Kolasib khawchhungin hma a sawn tawh zia an sawi lang bawk a ni.

Faina Hapta 2021 kalpui chhunga inelna hrang hrang buatsaih a lawman dawngtute chu a hnuai ami ang hi a ni;