320/2025-2026

Kolasib: Dated the 24th April, 2025: Vawiin khan DC Office Conference Room Kolasibah "Formulation of District Convergence Plan for 2025-2026 Kolasib district chungchang sawihovin Department hrang hrang 15 an thukhawm.

He Meeting kaihruaitu Pu Lalmuan puia, Project Director DRDO Kolasib chuan meeting a kal Kolasib district chhunga Line department hrang hrang aiawhte chu district hmasawnna turin an hmalakna hrang hrangah thawhho dan tur ngaihtuahna hmang tura sawmin, he meeting thutlukna ah Kolasib district hmasawnna chu a in nghat lian hle a ni tih a sawi.

He meeting ah hian Line department hrang hrang ten Central scheme hmanga an hmalakna kalpui mekah MGNREGA scheme nen a in hmang tangkai tawna, a scheme mila hmasawnna hna thawhna kawngah thawhho dan tur ruahmanna hrang hrang te sawi hovin, Line Department hrang hrang, Agriculture, Horticulture, Veterinary, Sericulture, Fishery, PHE, PWD, Irrigation dept, SIRD & PR, LRS & WC dept, EF & CC Department hotu ten an hmalakna hrang hrang sawifiahin, MGNREGA scheme kalpui tu DRDO, BDO te nen, Kolasib district chhunga central scheme hmanga hmasawnna hna thawhna kawngah thazawk leh awmze nei zawka thawhho dan tur ruahmanna an siam a ni.