67/2024-2025 

Kolasib dated 5th April 2024: Tukin khan DC Office, Kolasib tualzawl atangin kum 85 chung lam leh pianphung a rualban lo, vote thlak tur a Polling Station pan kawng a harsatna neiten an mahni in a vote an thlak theih nan Home Voting Team panga kalchhuakte chu Pu John LT Sanga, Deputy Commissioner-in a vailiam.

Home Voting Team-te hi April ni 5 leh ni 6 chhung hian 4-Tuirial, 5-Kolasib leh 6-Serlui Assembly segment-a Senior voter kum 85 chung lam leh Person with disability, pianphung a rualban lo, Polling station pan kawng a harsatna neite an tlawh chhuak ang. 4-Tuirial Assembly Segment-ah Senior voter 21 leh PwD voter 7, 5-Kolasib Assembly Segment-ah Senior voter 48 leh PwD voter 12, 6-Serlui Assembly Segment-ah Senior voter 45 leh PwD voter 10, Home voting titur chhinchhiah an ni.