66/2024-2025 

Kolasib dated 5th April 2024: Vawiin chawhnu khan DC Conference Hall, Kolasibah SP, Kolasib, Addl. DC, Sr. EE, PWD, DIPRO, Project Manager, NHIDCL, Kolasib Drivers & Welfare Joint Action Committee hruaitute leh Contractor-te chuan Vairengte leh Mualkhang inkar kawng thawmthat thuai a nih theih nana hmalak dan tur sawi hovin thutkhawmna an nei a. Pu John LT Sanga, Deputy Commissioner chuan hun a kaihruai a ni.

Pu John LT Sanga, Deputy Commissioner chuan Kolasib paltlang National Highway-te chu Mizoram mipui chawmtu kawng pawimawh tak a nih angin kawng enkawl that loh leh thawm that lohna chuan Mizoram mipui zawng zawngte tan harsatna a thlen theih thu a sawi a. Hnathawh theihna hun tha a awm lai hian inthlahdah lova chak tak a hmalak zung zung a tul thu sawiin Contractor-te hna pawh uluk tak a vilpui an nih tur thu a sawi.

Thutkhawmna ah hian Addl. DC hova Kolasib Drivers & Welfare Joint Action Committee-ten kawng chhia endikna an kalpui chhung a an thil hmuh leh hmalakna kalpui dan turte sawi niin hnathawktu Contractor-te chuan hna hmabak an neih theuhte an thawh tan theih hun tur leh an thawh zawh hun tur chiang tak a sawi tur a tih an ni. Hna sawt zawk a kalpui turin Sawrkar leh khawtlang tanrual a pawimawh thu sawi niin hmaraw tha chauh hman a nih theih nan uluk takin hna vilpui a nih tur thu sawi a ni.