1068/2025-2026

Dated Kolasib the 4th July, 2025 : State Agriculture Management & Extention Training Institute (SAMETI) Mizoram buatsaihin I&PR Conference Hall, Kolasib ah vawiin khan 'Human Resource Development, Under RKVY neih a ni.

He training Pu Joseph Lalnuntluanga, DAO Kolasib District kaihhruaiah hian Khuallian Pu Robert C. Lalhmangaiha DC Kolasib chuan thu sawiin, Kolasib chu Mizorama Agriculture Potential District a ni a,  hemi kawnga hmalakna hmuh tur tam tak a awm tiin, Leilung behchhana eizawnna kalpuitute tan Department hrang hrang hian theihtawpin hna an thawk thin a ni, a ti bawk.

Hei bakah hian khuallian chuan 'Mahni hmun theuhah pawimawhna leh mawhphurhna kan nei theuh ani' tiin, mawhphurhna hrang hranga thawktuten mahni hna theuh kan thawhna atang chauhin hna tha a chhuak thei tih sawiin, thawhhona ah chuan pawimawhlo bik kan awm lo a ti a. Hna tha nei tur chuan Human Resource Development a pawimawh tih a sawi bawk.

Pi Lalthasangi, Course Coordinator-in SAMETI chungchang leh hmalak dan te, kuthnathawktute tana  hma an lak dante sawifiahna hun a nei a. Thawhhona tih thupui hmangin Pi Lalnunpuii parte, director, SAMETI in zirtirna pein, chawhnu lamah Hnathawktu tha tih leh Smart phone hman tangkai dan tur chungchang zirho a ni bawk.

He Training ah hian Kolasib District chhunga Agriculture leh a kaihhnawh Office hrang hranga thawktute, Godrej Agrovet Ltd a thawktute, Kolasib district a Society thenkhat, MPECS leh FIG hruaitu te an tel ani.