1017/2022-2023
Kolasib dated 23rd June 2022: Ram chhung hmun dangte rualin vawiin chawhma khan Kolasib district pum a kawtha lo natna do beihpui thlakna ‘Intensified Diarrhoea Control Fortnight (IDCF)’ June ni 23 atanga July ni 7, 2022 chhung kalpui tur chu District Hospital, Kolasib OPD Building-ah Dr. R.K.Lalthlamuana, Senior Medical Officer-in a hawng.

Kawtha lo do beihpui thlakna hi National Health Mission (NHM), Kolasib District programme hnuai ah neih niin Dr. R.K.Lalthlamuana, SMO chuan kawtha lo avanga naupang thihna umbo chu an tum ber a nih thu leh kawtha lo lakah inven fimkhur a tul thu a sawi a. Taksa vawn thianghlim leh ei leh in hrisel leh thianghlim ngaih pawimawhna chuan khawtha lo lakah min veng thei a ni, a ti.

Kawtha lo do beihpui thlak hun chhung hian ASHA ten chenna in tin ah kalin naupang kum 5 hnuai lam neite hnenah ORS leh a tul dan a zirin kawtha lo damdawi Zinc Tablet an sem dawn a. District Hospital, OPD leh Zirna Sikul, Anganwadi, Health Sub Centre, Community Health Centre leh Primary Health Centre-ah te ORS siam dan leh ZINC ei dan te zirtirna kalpui tur niin Kawtha lo natna nei inentir te hnenah a thlawnin heng damdawi te hi pek an ni dawn a ni.
Kumin 2022 ‘Intensified Diarrhoea Control Fortnight’-ah hian ‘Kawtha lo avanga naupang thihna tih bo’ tih thupui hman a ni a, Dr. Ramdinthari, District Medical Superintendent chuan hun a kaihruai a ni.