1016/2022-2023
Kolasib dated 23rd June 2022: Vawiin chawhma khan June ni 30, 2022-a Kolasib district-a ‘Remna Ni’ lawm dan tur relin DC Conference Hall-ah District Office hrang hrang hotute leh NGO hruaitute chuan thutkhawmna an nei a. Pu John LT Sanga, Deputy Commissioner chuan hun a kaihruai a ni.

Vawiin thutkhawmnaah hian kum danga ‘Remna Ni’ lawmna kalpui thin dan te ngaihthlak a ni a, hripui leng avanga hun engemaw chen a lawmna buatsaih theih a nih loh hnu a kumin a mumal tak a kalpui a ni tur chu lawmawm a tih thu Pu John LT Sanga, Deputy Commissioner chuan a sawi. Parish Hall, Venglai, Kolasibah Dr.R.Lalthangliana, Minister, Health & Family Welfare Department hoin ‘Remna Ni’ lawmna hi hman tur a ni ang a, Department Office, NGO leh Political Party hrang hrang aiawhte tel tur a beisei an ni.

‘Remna Ni’ lawmna tur inbuatsaihna atan tih tur tul hrang hrangte sawi ho niin chanpual insemna te vawiin hian neih a ni.