3378/2024-2025

Dated Kolasib the 5th December 2024: Vawiin khan  Kolasib DC Office Conference Hall ah Kolasib DC Pu Robert C. Lalhmangaiha kaihhruaiin  DC,SP leh Excise Department hotute leh Sub Hqrs.YMA leh Veng tina YMA aiawhten Krismas leh Kumthar vuakvet a Kolasib khawpui chhunga venhimna kalpui dan tur chungchangah thutkhawmna  an nei.

Meeting kaihruaitu Kolasib DC Pu Robert C. Lalhmangaiha chuan Krismas leh kumthar vuakvet ah Kolasib District chhungah Boruak muanawm tak a awm theihna turin thuneitute, Dan leh thupek kengkawhtute leh NGO te an thawhho that a ngaih thu sawiin, boruak muanawm tak a awm theihna tura thawhpui atan kalkhawmte a sawm a ni.

He hunah hian Pu David H. Lalthangliana SP Kolasib chuan Krismas leh kumthar vuakvet a Venhimna kalpui tura ruahmanna an siam dan te a sawi a. Kolasib khawpui chhung chu Zone hrang hrangah then a duty insiam tum a nih thute, Kolasib khaw chhunga tun hnai chho atangin police te duty a zan lamah an chhuah thin thute a tarlang a. Hei bakah hian Rengtetlangsang Chawlhbuk (Nihliap) bulah Urlawk zan leh Kumhlui thlah zanah Prison Van Duty tir tum a nih thute, Police duty indaih loh phuhruk turin 1st IR Battalion atangin IR Police thenkhat pawhthlak tum a nih thu a sawi bawk.

Hei bakah hian hunpui lo thleng tur pual hian tun thla ni 15 atanga ni 22 chhung khian Kolasib District chhung hmun hrang hranga Zero Tollerance kalpui tum a nih thu pawh SP hian a sawi a. Kolasib Town atan SP chuan hriattirna a tichhuak tawh a, Civil SDO ten anmahni Area chhung theuh atan hriattirna hi an tichhuak ve tura ngaih an nih thu a sawi lang bawk.

Pu Vanlalmuana Rokhum, Assist Commissioner, Excise & Narcotics Department chuan Krismas leh kumthar laia hmalak an tum dan tlangpui a sawi lang a, hei bakah hian phalna nei lova Champwine zuar an awm nia an hriat thute pawh sawiin, 'Champwine a ni emaw, Thei dang atanga siam a ni emaw Zu telna lam chi hrim hrim hi phalna nei lo tan zawrh khap a ni' a ti bawk.

Sub Hqrs YMA leh Town Branch YMA atanga aiawh kalte chuan harsatna an tawh thin hrang hrangte he hunah hian tarlangin, Police te leh Excise Dept te nen a thawhhona tha zawk a awm theih dan turte sawiho a ni.

Vawiin a thutkhawmna ahhian Kolasib DC leh SP bakah Pu Vanlalmuana Rokhum, Asst. Commissioner Excise & Narcotics Department Kolasib, Pu C Lalsawta Addl SP, Pu H. Lalramliana SDO (S) bakah Sub hqrs YMA Kolasib hruaitute leh Kolasib khawchhunga Town Branch YMA aiawh te an tel a ni.