No.7974/2020-2021

Dated Kolasib the 31st March 2021 : Vawiin chawhma khan Parish Hall, Venglai, Kolasibah, Kolasib District chhunga Village Council hrang hrangte tan MAHATMA GANDHI NREGA – SENSITISATION PROGRAMME ON TIME AND MOTION STUDY neih a ni. He Programme hi District Rural Development Agency (DRDA), Kolasib-te buatsaih niin he Programme ina a tum ber chu India ram chhunga khaw hrang hranga sawrkar hmalaknate ruahmanna fel, hlawk leh chak zawk a kalpui dan inzirtir a ni.

Pu Benjamin Lalzama, Project Director, DRDA chuan program hawnna hun hi kaihruaiin Dr. H. Lalthlangliana chu khuallian a ni a. Kolasib district-a Village Council 56 atangin President leh Secretary theuhte bakah RD Block tin a BDO office Technical Assistant leh Computer Assistant-te an tel a ni.

Bawrhsap chuan thusawiin Mizote chu hnathawh kawngah kan duai lova, amaherawhchu kan hmanrua leh hun neih dan a zir zel a hmalak dan kan zir hi a pawimawh hle a ni, a ti.

MGNREGA – Sensitisation Programme on Time and Motion Study neih ah hian Pu Gaston Vanlalhriatpuia, BDO Thingdawl RD Block, Pu Ngenthianlala, BDO Bilkhawthlir RD Block bakah Pu C. Sawikhuma, Works Manager DEGSU te chu Resource Person niin, Sawrkar hnuaia Scheme hrang hrang kalpui mekah sawt zawk leh tha zawka hna kalpui dan tur sawina hun an hmang a. MGNREGA kalpui dan tur thar pawh tarlanna hun neih niin mitin tan hlawh inkhairual leh mipa leh hmeichhia bakah piangphunga harsatna neite tan pawh hna siam dan tur sawi hona hun neih a ni bawk.