No.7973/2020-2021

Aizawl, 31st March, 2021 : Vawiin khan Mizoram chhunga tualto vaimim chi 2- Mizo Mimpui 1 leh Mizo Puakzo 1 te chu Mizoram state variety atana loneituten an chin theih turin Agriculture Minister Pu C.Lalrinsanga’n a office ah a tlangzarh.

Pu Lalrinsanga chuan heng tualto vaimim chi 2, state variety a puan te chu a neitu nihna humhalh tura hma lak zui a nih tur thu a sawi a. Heng vaimim chi tha, a fang lian leh thar hlawk tak te hi ram economy chawikanna tur hmanraw pawimawh tak an ni, tiin state variety atana puan leh chin theih tura buatsaih a lo ni ta chu Mizoram tan leh a bik takin loneitute tan hmasawnna lawmawm tak a ni, a ti.

Mizoram state variety vaimim tlangzarhna hun hi Pu J.Hmingthanmawia, Special Secretary, Agriculture Department in a kaihruai a. Dr.Saithantluanga, Director, Agriculture Department in Technical report pe in state variety vaimim thlan chhuah a nih dan a sawi a. ICAR, Kolasib leh Agriculture department ten Mizoram hmun hrang hrang atangin vaimin chi hrang 70 chuang an la khawm a. ICAR Kolasib leh Mizoram KVK hrang hrang te kal tlangin heng vaimin chi hrang zingah hian danglam bikna nei(unique trait), thar hlawk leh natna leh rannung laka him bikte thlan a nih hnuah heng thlan bikte hi State Seed Sub-Committee for Agriculture and Horticultural crops for Mizoram kal tlangin State variety a release tura chhawp chhuah a nih dan a sawifiah a ni.

Vaimim chi 2 release tak te hi Mizo Puakzo 1 hian kung khat ah kawm 4-5 te paiin Puakzo variety dang aiin Anthocynin a pai hnem bik a. Mizo Mimpui 1 hi thar hlawk tak la niin a kung pawh a sang a. Ranchaw(animal feed) atan pawha tangkai tak a ni dawn a ni.