2924/2024-2025
Dated Kolasib, the 11th November, 2024: Vawiin khan DC Conference Hall, Kolasib-ah chhiatrupna thleng thei laka inven dan tur inbuatsaihna - Mock Drill November ni 14, 2024 a neih tur chungchangah thutkhawmna neih a ni a, Pu Robert C. Lalhmangaiha, Deputy Commissioner leh District Disaster Management Authority (DDMA) Chairman ni bawk chuan thuthkhawmna hi a kaihruai a ni.
Kolasib District DDMA Chairman Pu Robert C. Lalhmangaiha chuan Mock Drill atana mawhphurhna la tura ruat zawng zawngte an kalkhawm tha chu lawmawm a tih thu sawiin, an mawhphurna tha taka an hlen chhuah ngei a beisei a ni, a ti. Mock Drill neih tura a hmunhma ruahmantu SDC leh District Organiser, DDMA te chu an thawhrimnaah fakawm a ti a, an chungah lawmthu a sawi bawk.
He hunah hian Pi Zorinsangi, SDC chuan mock drill excercise neih dan tur chungchang sawifiahna hun a nei a. Mock drill exercise neih hun turte, a hmun turte leh mawhphurtu tura ruatte mawhphurna hrang hrang in hrilhhriatna a nei a. Pu Lalnunfela, District Organiser, DDMR chuan Powerpoint hmangin Presentation pe in, sawihona hun neih zuih a ni.
He Mock Drill-ah hian Kolasib Town chhungah chuan Karkawn, Tumpui ah lei tawlh in In a hnawl laia hmalak dan tur Exercise neih a ni dawn a. Rengtekawn ah leimin in motor leh mihring a chhilh hnan laka hmalak dan tur exercise neih a ni ang a. Bairabiah tui lian in In a chim lai leh tuilian a vanga mihring tui tla lai chhanchhuah dan zirna neih tura ruahman a ni.
Chhanchhuahna hmanraw lakkhawmna leh dahkhawmna hmun tura ruat Staging Area atan DC Office kawt chu hman a ni dawn a. Zing dar 10:05 ah Siren tihrik a ni dawn a ni. Mock Drill a Department hrang hrangte mawhphurhna tur pawh vawiin hian thlir ho a ni a, a tul ang zela hmalak dan turte pawh sawiho nghal a ni.
Mizoram pum huapin November ni 14, 2024 hian Mega Mock Drill neih tur a ni a. Thlir lawkna hun Table Top Exercise chu November ni 12, 2024 hian State Disaster Management Authority leh National Disaster Management Authority-te kaihhruaiin neih a ni ang.
