2925/2024-2025

Saitual, the 11th November, 2024: Vawiin chawhma dar 11 am khan DC Conference hall, Saitualah, District bawrhsap Dr. Lalngura Tlau kaihhruainain Saitual Town Sanitation Committee chu district fai intihsiakna lo awm tur "Mizoram cleanliness competition 2024" atana hmalak dan tur sawiin an thu khawm.

He hunah hian Dr. Lalngura Tlau chuan kalkhawmte chungah lawmthu a sawi a, Saitual district chuan khawpui fai ber lawmman a lo dawng tawh thin tih sawiin, tunhnaiah an dinhmun a tlak hniam leh tak avangin hmalak thar leh a tul hle, a ti. District bawrhsap chuan District Urban Development Officer (DUDO) thar Er. Laldinsanga Hnamte chu inhmelhriattirna hun neiin DUDO thar an nei chu lawmawm a ti a, theih tawp chhuaha hma la zel turin a chah nghal a ni.  

Er. Laldinsanga, DUDO pawhin thu sawiin intihsiakna hi UD&PA department chauhin a ti puitling thei lo tih a sawi a, department hrang hrang hotute leh tlawmngai pawlte chu tanrual a ngai tih sawiin, kawng hrang hrangah an puihna leh tawiawmna a ngen nghal a ni. 

He thutkhawmah hian Mizoram cleanliness competition 2024 hnuaia tih tur activity hrang hrang te thlir ho a ni a, hmalak dan turte sawiho nghal a ni. He thutkhawm hi District Bawrhsap Dr. Lalngura Tlau chuan kaihruaiin, Er. Laldinsanga Hnamte, DUDO chuan tih tur duan sa activity hrang hrang sawi zauna hun a hmang a.  Saitual Town Sanitation Committee member te, line department te, NGO hruaitute leh VC hruaitute an tel a ni.