4169/2024-2025

Dated Kolasib the 10th February 2025: Vawiin khan Kolasib District Hospital-ah National Deworming day hawnna hman a ni a. He hun hi Pu Robert C Lalhmangaiha, Kolasib chuan khuallian niin a hawng a, Dr RK Lalthlamuana, Sr CMO chuan program hi a kaihruai a, Kolasib District CMO leh Hospital a thawkte leh mi ṭhahnem tak an tel a ni.

Khuallian chuan vawiina Rulhut dona puala Deworming Day an hmang thei chu lawmawm a tih thu a sawi a. Amah ngei pawhin rulhut pai vanga naupang bawrhsawm tak tak a lo hmuh tawh thu sawiin, rulhut chu ngaihthah mai lova, pai lo tura mahni in tihfai a, kut sil te leh eitur sil te kan taihmak a ngai a ni, a ti. DC chuan Kolasib a Damdawi lama thawkte chu Deworming Day piah lamah hriselna a an thawh na ah fak an phu hle a ni, a ti a. Anmahni inpekna avangin Kolasib District chu Mizoram ah pawh fai leh hriselna kawng ah hmasawn chak pawl a ni, a ti.

Dr RK Lalthlamuana, Sr CMO pawhin thu sawiin, Rulhut chuan kan taksa tana chaw ṭha, nutrients a eizo thei a. Chuvang chuan rulhut pai naupang chu malnutrition leh bawrhsawmna hrang hrangin a tlakbuak thin a ni, a ti. Kolasib District chhungah rulhut hlo Albendazole chu mi 31500 hnenah pek tum a nih thu sawiin, School, Anganwadi leh College ah te leh hmun thenkhatah Asha kaltlangin in lamah pawh pek an ni ang a ti a. Rulhut hlo chu kum hnih chunglamah mum khat pek tur a ni a, kum hnih hnuailam erawh mum chanve rawt dip a pek tur a ni, a ti.

Pi F Lalremsangi, DIC Manager-in lawmthu sawina a neih hnuin vawiin hun hi tihtawp a ni.