4078/2024-2025

Kolasib, the 4th February 2025: Vawiin khan Senior Chief Medical Officer, Kolasib hovin a Office Chamber ah Naupang kum 1 atanga kum 19 inkar ten rulhut an pai lohna tura rulhut hlo pek beihpui leh rulhutin a nghawng thalote inhrilhhriatna hun, National Deworming Day (NDD), 2025 thawhkhatna chungchang ngaihtuahin Kolasib District Level Coordination Committe on National Deworming Day (NDD) chu Pu RK Lalthlamuana Sr. CMO kaihhruai na hnuai ah an ṭhukhawm.

He thutkhawm ahhian Naupang kumkhat atanga kum sawmpakua mi 31500 hnenah rulhut hlo Albendazole, Kolasib District huamchhunga sawrkar enkawl sikul (Govt & Govt Aided) te, mimal enkawl sikul (Private) School leh, Anganwadi Centre zawng zawngah pek vek tura ruahmanna siam a ni a. Naupang sikul kailo (drop out children) te pawh an in ah kal kualin ni 10.2.2025 hian pek tura rel a ni a. Hemi ni a naupang rulhruthhlo pek hman loh te chu ni 17.2.25 ah pek leh tura ruahmanna siam a ni bawk.

He thutkhawm ahhian Kolasibah National Deworming Day hawnna programme hman dan tur pawh sawiho a ni a. Ni 10.2.25 zing 10:30AM ah Deputy Commissioner, Kolasib-in, District Civil Hospital OPD ah a hawnna hun nei tura duan nghal a ni bawk.