4079/2024-2025
Aizawl, February ni 4, 2025: Kumin Village Council/ Local Council inthlan lo awm tur atana Election a duty nei te vote thlakna tur Ballot Paper semchhuah leh inthleng - Exchange for Ballot Papers chu Aizawl DC Conference Hall-ah vawiin khan neih a ni.
He hunah hian election a duty ten an duty na hmuna vote an thlak na tue ballot paper hman tur pekchhuah a ni a. An duty na hmun (District) theuh ah vote an thlak theihna turin dilna thehlut te tan ballot paper hi an vote neihna District theuh ten an buatsaih sak a. He ballot paper hi District tina Nodal Officer Aizawl ah kengkhawm in, voter in vote a thlak theih nan an haw pui lehnghal a. Voter on Election duty te hian February ni 6 atangin an duty na hmun District theuh ah vote an thlak anga hei hian an bial theuh a chhiar turin polled ballot paper chu February ni 8 ah Aizawl DC office inhlanchhawn a ni leh ang.
Programme kha Pu Lalmuansanga Ralte, Deputy DEO, Aizawl in a kaihruai a, State Nodal Officer/ Co-ordinator Pi V. Lalmuanpuii enpuina hnuaiah exchange of ballot papers hi neih a ni.
