3974/2024-2025

Dated Kolasib the 25th January 2025: Vawiin khan Kolasib DC Conference Hall ah National Voters' Day puala hun hman a ni a. He hun hi Kolasib DC Pu Robert C Lalhmangaiha chuan kaihruaiin Kolasib a sawrkar official te, khawtlang leh tlawmngaipawl aiawhte leh Vote nei tharte an tel a ni.

He hunah hian Kolasib DC chuan thu sawiin, Vote thlak hlut zia leh Vote pakhat ina ram leh khawtlang a tih danglam theih dan a sawi a. Kalkhawmte chu an vote hlutna hria a , uluk taka ngaihtuahna seng a vote thlak turin a sawm hlawm a ni. Pu Robert C Lalhmangaiha chuan kan hma a VC inthlan lo awm tur atan leh tun hnaia Electoral roll peihfel chungchanga Election Office a thawktu te leh BLO te chu an thawhrimna ah fakin tha thlah lova thawk chhunzawm zel turin a chah bawk a ni.

Pu H Lalramliana, Election Officer pawhin thu sawiin voters day an hman thinna chhan zinga pawimawh tak chu mitin vote hlutzia hriattir nawn na leh vote thlak tura infuihtharna a ni, a ti a. Election buaipui kawnga BLO te tanlakna ah lawmthu a sawi nghal bawk a ni.

Kumina National Voters Day a thupui hi,”Nothing like Voting,I vote for sure ,” tih a ni a. Kolasibah chuan he ni pual hian Voters Pledge lakna te, BLO tha zualte lawmman pekna te leh Vote nei tharte fecilitation hun hman a ni a. Heng a hnuaia tarlan te hi AC tina BLO titha zual lawmman dawngtute an ni:

1. 4 tuirial AC atangin Pu Laldingngheta, Sentlang

2. 5 kolasib AC atangin Pu K lalrinchhana, Bairabi 2

3. 6 serlui AC atangin Peter lalchhanhima sailo, Vairengte 5