4451/2024-2025

Kolasib, Dated 27th February, 2025 : Vawiin khan Kolasibah District Hub for Empowerment of Women, Women and Child Development Department Kolasib District bultumin ‘One Nation One Helpline Two-Wheeler Rally’ neih a ni a. He Rally hi India Sawrkar laipuiin Hmeichhe naupangte chunga hleilenna tihtawp a nih theih nana hma a lakna - 'Beti Bachao Beti Padhao' in kum 10 a tlin lawmna kal zel niin, he Rally in a tum ber chu Sawrkar Helpline Number mipuite hriattur a phochhuah a ni.

‘One Nation One Helpline Two-Wheeler Rally’ Kolasiba a hmanna hi Superintendent of Police, Kolasib Office atanga tan a ni a. He hunah hian Pu Vanlalzapa, CDPO i/c DPO WCD chuan ‘One Nation One Helpline Two-Wheeler Rally’-a thawkchhuakte lawmna hun a hmanga a. Senior SP, Pu David H. Lalthangliana chuan SP Office tualzawl atangin Rally-a thawkchhuak turte veiliamna hun a hmanga a ni. Rally hi SP Office atanga Kolasib DC Circuit House, Banglakawn thleng neih a ni.

Kolasib DC Circuit House-ah hian Rally Closing Function hman nghal a ni a, he hunah hian Pu H. Lalramliana, SDO(S) chuan thuchah sawiin Sawrkar chuan mi chak lo zawkte leh mahni dikna chanvo humhim thei lote humhim sak chu a ngaih pawimawh thu a sawi a. Hemi kawnga chak zawka hmalak a nih theih nan dante siam niin, hleilenna tuartute’n an mahni chhanchhuak theitu tur leh tanpui theitu turte an biak pawh theihna turin Helpline siam a nih thu a tarlang a. Emergency Response Service Number 112 leh Child Helpline Number 1098 te chu National Helpline Number pawimawh tak an nih ang ngeiin mipuite’n tangkai taka an hmana, midangte dikna leh chanvo kan humhalhna hmanrua pawimawh tak a nih zel a beisei thu a sawi.

Pu Vanlalzapa, CDPO i/c DPO WCD chuan ‘One Nation One Helpine Two-Wheeler Rally’ neihna ahhian lawmthu sawina hun hmangin Rally hlawhtling taka neih a nih theih nana District Hub for Empowerment of Women, Women and Child Development Department leh Kolasib Superintendent of Police Office a thawktute leh vawiin a kalkhawmte chungah lawmthu a sawi .