2450/2022-2023
Kolasib dated 27th October 2022: Vawiin khan District Urban Development Office Conference Hall, Diakkawn, Kolasibah Commerce & Industries Department buatsaih ‘Pradhan Mantri Formalisation of Micro Food Processing Enterprises’ (PMFME) Scheme chungchang zirtirna neih a ni a. Pi Elizabeth Lalremthangi Hmar, Joint Director chuan hun kaihruaiin Kolasib khaw chhunga Self Help Group member-te he hun ah hian an tel a ni.

Zosangliana, General Manager, MIFCO chuan PMFME chungchanga hriattur pawimawh hrang hrang tarlanna hun hmangin ei leh in intodelhna kawng a hmanraw tangkai tak ni turin khawpui chhung bak ah khaw pawn a SHG member dangte hnen a kawng kawhhmuhtu ni turin kalkhawmte a chah a. Mizoram Rural Bank, Kolasib Branch atangin Pradhan Mantri Jeevan Jyoti Bima Yojana leh Pradhan Mantri Suraksha Bima Yojana chungchang ngaihthlak niin Pu JD Traite, DDO, NABARD chuan PMFME kaltlanga hmathatna dil theih te leh chung hamthatna hman tangkai dan tur te sawi zauna a hmang a ni.

Vawiin hian PMFME Scheme chungchangah zawhna leh chhanna hun te neih niin Pu P.C. Lalvuana, Joint Director & DCIO, Kolasib chuan lawmthu sawina hun a hmang bawk a ni.

Ministry of Food Processing Industries (MoFPI) Government of India chuan, States leh UT sawrkar thawhpuiin, Centrally Sponsored PM Formalization of Micro Food Processing Enterprises Scheme (PMFME Scheme) duangin Micro Food Processing Enterprises (Food Processing Industries) te hnenah, sum leh pai, technical (khawl) leh sumdawnna atana tanpuina hrang hrang he scheme kaltlang hian a pechuak dawn a ni.

Food Enterpreneurs, FPOs/SHGs/Cooperative Societies te tan, Food Processing industry tenau nuai hnih (2 lakh) dinna turin, cheng Crore 10,000 he scheme hnuaiah hian ruahman a ni.

He scheme hnuai ah hian mimal ang a food processing lam a hmalatute'n an industry tihchangtlunna atan, an Project Cost atang a 35%, Credit linked Capital Subsidy an dawng thei ang a, he tanpuina hi cheng nuai 10 thleng pek theih a ni. Chutihrualin, an Project Cost atanga 10% aia hniam lo mimalin an tum ve a ngai a, a dang zawng erawh Bank Loan a ni tur a ni.

Dil thei te (Eligibility Criteria)

i) Individual (Mimal/Partnership Intawm) firm neitu nihna chanvo neite.

ii) Resource Person-in Micro Food Processing Industry nia a chhinchhiah te.

iii) Kum 18 aia naupang lo leh pawl 8 (Class VIll) pass chin te.

iv) Chhungkua pakhat atangin mi pakhat chauh in tanpuina hi a dawng thei ang. Chhungkua tih hian a diltu, a kawppui leh an fate a huam ang.

He scheme hnuai a Pawl a hma la, Cluster te, FPOs SHGs/Producer cooperatives ten hlawk zawk a siamchhuah an neih theih nan a hnuai ami ang hian tanpuina an dawng thei ang;

i) Sum Lu (Capital investment) atan 35% Credit-linked grant pek an ni ang a.

ii) Training pek an ni ang.

iii) One District One Product hnuai a product-in chhinchhiahna intawm (common brand) leh zawrh chhuah kawng a ruahhmanna felfai (marketing) an neih theih nan tanpuina pek an ni ang.

Hrechiang duh tan Ministry of Food Processing website - www.mofpi.nic.in ah enchian theih reng a ni.