1581/2025-2026 

Dated Kolasib, the 24th September, 2025: Vawiin khan Kolasib Conference Hall, Kolasibah District Legal Services Authority Kolasib leh District Programme Officer, Women & Child Development Kolasib tangkawpin Prohibition of Child Marriage Act, 2006 chungchangah training neih a ni.

He hun ah hian Pu Vanlalzapa, CDPO Thingdawl chuan vawiina training buatsaih chhan sawihfiahna hun a hmang a. Naupang kum tlinglo a inneih a pawi zia tarlang in, mipui vantlangah inzirtirna (Awareness) neih a pawimawh thu a sawi. 

He hunah hian Pu Zonunmawia, MJS Kolasib chuan Prohibition of Child Marriage Act, 2006 thupui hmangin kalkhawmte hnenah zirtirna hun a hmang a. Vawiin training a hian Thingdawl ICDS Project hnuaia Village Council Secretary tin te koh khawm an ni a. An ni hi anmahni khua theuh a Child Marriage Prohibition Officer te tana ruat an nih avangin he training ah hian koh khawm an ni.