1076/2025-2026

Dated Kolasib the 5th July 2025 : Mizoram a 4 –Lane kawngpui laih hna chak zawka a kal theihna turin vawiin khan Pu H Lalengmawia IAS, Commissioner & Secretary EF&CC, H&FW,H&TE hovin Circuit house Conference Hall Kolasibah Kolasib DC , NHIDCL leh EF&CC Department hotute an thukhawm.

Vawiin a thutkhawmna ahhian Pu  H.Lalengmawia, Commissioner & Secretary, EF&CC chuan Four lane kawngpui laih hna chak zawka a kal theih nan Department hrang hrang; a bik takin EF&CC, P&E leh District Administration te chuan thawhhona leh inhriatthiamna tha zawk an neih a pawimawh a ni, a ti a. An hmalakna a muan chhante hrechianga chak zawka kawng laih hna a kal theih nan thing kih ngai te, electric hrui leh ban sawn chungchang ah te pawh NHIDCL ,P&E leh Forest Department –te chu a tul anga hma la zui tura hriattir niin, hemi kawnga harsatna a awm a nih chuan a rang thei ang bera District Administrator hriattir turin Pu H Lalengmawia IAS, Commissioner & Secretary, EF & CC chuan kalkhawmte chu a hrilh nghal bawk.

Mizoram a 4- Lane kawngpui sial hna hi tunhnai khan Package 3 huamchhung Vairengte leh a chhehvel atangin hna tan a ni a. Amaherawhchu he kawngpuiin a paltlang tura thing leh maute senghawina kawngah harstana thenkhat a awm avangin, hnathawktute hmalakna a ti muang ni a hriat  a ni a. Mizoram Chief Minister leh Commissioner ten chak taka hma lak a nih theih dan tur an lo sawi dun tawh bawk a ni.

Vawiin Meeting ah hian Commissioner & Secretary, EF&CC bakah Pu Robert C. Lalhmangaiha DC Kolasib, Pi B. Malsawmtluangi Addl. DC, Pu H Lalramliana SDO (S), Pu Agni Mitra Conservator of Forest Northern Circle, Pu Saksham Tyagi Project Manager NHIDCL te bakah mi pawimawh dangte an tel a ni.