971/2023-2024

Kolasib dated 29th June 2023: Tukin khan Project Veng YMA Hall hmun ah Pi Margaret Lalramchhani, IFS, Divisional Forest Officer, Kolasib hmalaknain Remna Ni 2023 lawmna pualin thing phunna hun buatsaih a ni a. Pu John LT Sanga, Deputy Commissioner chuan telpuiin Sawrkar official ṭhenkhat leh tlawmngai pawl hrang hrang hruaitute an tel bawk a ni.

Pu John LT Sanga, Deputy Commissioner chuan Remna Ni 2023 lawmna pualin Kolasib district-ah Essay, Quiz, Painting leh Photography Competition-te buatsaih a nih thu sawiin Peace Walk leh Free Health Clinic pawh Remna ni hian kalpui a nih tur thu a sawi a. Remna leh muanna hlutzia kan hriat thar zelna turin heng ruahmanna te hi siam a nih thu sawiin DFO, Kolasib hmalakna a Remna ni chhinchhiahna tur a thing phunna hun buatsaih a ni chu lawmawm a tih thu a sawi.

Tukin Remna Ni 2023 pual a thing phunna hun ah hian Sawrkar official te bak ah Sub-Headquarters YMA, MUP, MHIP, MZP, MSU leh Ex-MNA hruaituten thing an phun a ni.