970/2023-2024
Mamit 28th June, 2023 : NH-44A Tuidam Existing Road, KM 105-111 (Tuidam kawnghlui 6 kms) cement pavement hna thawh mek chu 50% zawh a ni tawh a, he hna hi thawh chhunzawm zel a nih dawn avangin Motor eng chi mah kal theih a ni dawn lova, chuvangin Pi Lalthangpuii Pulamte, MPS, SP Mamit chuan Motor Vehicle Act, 1988 ( Act 59 of 1988) Section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin NH-44A Tuidam Existing Road, KM 105-111 (Tuidam kawnghlui, 6 kms) chu lirthei tan kal khapna thupek a chhuah.
He thupek chhuah hian 1.7.2023 atanga 31.7.2023 chhung a huam ang. Kawng tha zawk kan neih theihna tur a nih avangin thupek zawm theuh tura District mipuite ngen kan ni a. Thipek zawmlote chu u/s 179 MV Act hmanga hrem theih an ni ang.
