969/2023-2024

Aizawl the 28th June 2023 : Vawiin khan Health Minister Dr R.Lalthangliana hovin Taxation Conference Hall, Aizawla programme buatsaihah Kayakalp Award sem a ni. He hunah hian Dr. ZR Thiamsanga, MLA & Vice Chairman, H&FW Board chu khual zahawm a ni bawk.

Dr R Lalthangliana chuan Kayakalp Award dawngtute a lawmpui thu sawiin Mizoram chuan hriselna leh thianghlimna kawngah hma kan sawn zel a ni, a ti. NITI Aayog in tehna a siam Health Index ah India rama state te ho zingah Mizoram chu 2017-18 atanga vawiin thlengin pakhatna a la ni, Minister chuan a ti a. COVID hripui avanga kum 3 dawn lai sawrkarin hma a la mumal thei lo chung pawhin hmasawnna hmuh theih tam tak a thleng zel a ti a, hmasawnna ruhrel din kawnga sawrkar hmalakna hrang hrang te a sawi lang a ni. Dr R Lalthangliana chuan hmasawnna kawng tam takah hmu mahila HIV/AIDS leh cancer ah erawh kan dinhmun a chhuanawm loh hle a, tan lak nasat a ngai tih hre thar leh turin thawktute a fuih a. Building tha leh hmanraw tha neih te Health Department hmasawnna turin a pawimawh em em a, chu aia pawimawh zawk erawh chu hmangaihna, lainatna leh duhsakna tak tak nena damlo te enkawl hi a ni, a ti.

Khual zahawm Dr ZR Thiamsanga pawhin thu sawiin lawmman dawngtu te zawng zawng a lawmpui a, dawng pha ve lo te pawh tan nasa lehzuala la turin a fuih. MLA chuan Mizoram Sawrkar hmalakna, a bikin Health Minister hmalakna a fak a. Primary Health Care a nasa taka tan an lak dan sawiin India ram hmun danga thleng ngai lo, Health Sub Centre te Health and Wellness Centre ah hlankai an nina, sub centre awm lohna khuaah te Health Clinic engemaw zat dah a ni, a ti. India ramah naupang hlim thi IMR ah Mizoram chu a hniam ber a ni tih MLA hian a sawi bawk.

India sawrkarin faina beihpui Swachh Bharat Abhiyaan hnuaiah department te hmalakna tur hrang hrang a bi tuk a, Health and Family welfare hnuaiah hian Sawrkar damdawi in leh a vel fai taka vawn a nih theih nan Kayakalp hmalakna hi kalpui a ni a. Ministry of Health & Family Welfare, Govt of India chuan Sawrkar damdawi in ten an zawm tur Kayakalp guidelines a siam a, chu chu Kayakalp lo chhuah tanna a ni. Kayakalp (Award to Public Health Facility) scheme hi India ramah May 15, 2015 khan launch a ni a, Mizoramah chuan July 9, 2015 khan Tourist Lodge Chaltlangah kalpui tan a ni.

Kayakalp hi Hindi a ni a, a awmzia chu ‘Tuaithar leh’ (rejuvenating, to render young again) tihna a ni a. He scheme in a tum ber chu Sawrkar damdawiin te’n Quality Health Care Service Delivery pek hi a ni. Chu mi ti thei tur chuan– natna kaichhawn theih darh tur ven te, damdawiin bawlhhlawhsawngbawl dan dik taka sawngbawl leh paih te, hmunhma faina leh mawina te, thawktu te hawihhawmna leh thiamna te tehfung (Kayakalp checklist) hrang hrang hmanga endik a, a ti tha te chawimawina lehlawmpuina atan lawman (sumfai)tha tawk tak pek hi a ni. Hei hian Quality Health Care Delivery a thlen mek bakah, kan sawrkar damdawi in te mipui tam zawkin hmang tangkaia, out of pocket expenditure (OOPE) te pawh ti hniam tura beisei a ni.

Kayakalp Award dawngtute chu hengte hi an ni:

1. District Hospital

a. 1st Prize – Siaha District Hospital – Rs. 6,00,000/-, Trophy leh Citation.

b. 2nd Prize – Champhai District Hospital – Rs. 5,00,000/-, Trophy leh Citation.

c. 3rd Prize – Mamit District Hospital – Rs. 4,00,000/-, Trophy leh Citation.

d. Commendation Award – i) Civil Hospital Aizawl, ii) Civil Hospital Lunglei, iii) Kolasib DH, iv) Lawngtlai DH, leh v) Serchhip DH te’n Citation leh Rs.2,00,000/- theuh an dawng bawk.

e. Eco-Friendly Award

i. 1st Prize – Champhai District Hospital – Rs. 3,00,000/-

ii. 2nd Prize – Siaha District Hospital – Rs. 2,00,000/-

iii. 3rd Prize – Mamit District Hospital – Rs.1,50,000/-

2. Sub-District Hospital (SDH) leh Community Health Centre (CHC)

a. 1st Prize – Saitual CHC – Rs. 5,00,000/-, Trophy leh Citation.

b. 2nd Prize – Biate CHC – Rs. 3,00,000/-, Trophy leh Citation.

c. 3rd Prize – Thenzawl CHC – Rs. 2,00,000/-, Trophy leh Citation.

d. Commendation Award – i) Sakawrdai CHC, ii) Hnahthial CHC, iii) Chawngte CHC, iv) Ngopa CHC, v) Kawrthah CHC, vi) Vairengte CHC, vii) Tlabung SDH, leh viii) Kulikawn SDH te’n citation leh Rs.1,00,000/- theuh an dawng bawk.

e. Eco-Friendly Award

i. 1st Prize – Saitual CHC – Rs. 2,00,000/-

ii. 2nd Prize – Hnahthial CHC – Rs. 1,00,000/-

iii. 3rd Prize – Sakawrdai CHC – Rs. 50,000/-

3. Primary Health Centre (PHC) zingah district hrang hranga lawmman dawngtute lawmman dawn dan chu – pakhatnain Rs. 2,00,000/-, trophy leh citation; pahnihnain Rs. 1,00,000/-, trophy leh citation; pathumnain Rs. 80,000/-, trophy leh citation an dawng theuh a, hetiang hian:

a. Aizawl East District

i. Phuaibuang PHC

ii. Thingsulthliah PHC

iii. Phullen PHC

b. Aizawl West District

i. Aibawk PHC

ii. Lengpui PHC

iii. Sairang PHC

c. Champhai District

i. Khawzawl PHC

ii. Sialhawk PHC

iii. Rabung PHC

d. Kolasib District

i. Bilkhawthlir PHC

ii. Kawnpui PHC

iii. Bairabi PHC

e. Lawngtlai District

i. Sangau PHC

ii. Bungtlang S PHC

iii. S. Lungpher PHC

f. Lunglei District

i. Haulawng PHC

ii. Buarpui PHC

iii. Chhipphir PHC

g. Mamit District

i. Kawrtethawveng PHC

ii. Kanghmun PHC

iii. Zawlnuam PHC

h. Serchhip District

i. E. Lungdar PHC

ii. N. Vanlaiphai PHC

iii. Khawlailung PHC

i. Siaha District

i. Chhaolo PHC

ii. Phura PHC

iii. Chakhei PHC

j. Heng bakah point 70% hmu chin, district hrang hranga PHC 20 te'n Commendation Award Rs. 50,000/- theuh an dawng bawk.

4. Urban Primary Health Centre (UPHC) zinga lawmman pakhatna latu chu Chawlhhmun UPHC niin pawisa fai, Rs. 1,35,000/- an dawng a; pahnihna chu ITI UPHC niin pawisafai cheng Rs. 82,000/- an dawng a; Hrangchalkawn UPHC chu pathumna niin pawisa fai Rs. 50,000/- an dawng bawk. Hemi bakah hian Commendation Award – Sazaikawn UPHC, Sihphir UPHC, Zemabawk UPHC, Lawipu UPHC, lehHlimen UPHC te’n Rs. 25,000/- theuh an dawng bawk.

5. Health & Wellness Centre – Sub-Centre (HWC-SC) zingahe lawmman dawngtute chuan pakhatnain Rs. 1,00,000 an dawng a; pahnihnain Rs. 50,000 an dawng a ni. District hrang hranga lawmman dawngtute:

a. Aizawl East District

i. Chanmari West HWC-SC

ii. Durtlang HWC-SC

b. Aizawl West District

i. Tanhril HWC-SC

ii. Venghnuai HWC-SC

c. Champhai District

i. Dungtlang HWC-SC

ii. Biate HWC-SC

d. Kolasib District

i. Diakkawn HWC-SC

ii. Bualpui HWC-SC

e. Lunglei District

i. Pukpui HWC-SC

ii. Tuichawng HWC-SC

f. Mamit District

i. Lallen HWC-SC

ii. Tuidam HWC-SC

g. Serchhip District

i. Hualtu HWC-SC

ii. Sailulak HWC-SC

h. Siaha District

i. Chapi HWC-SC

ii. No-aotlah HWC-SC

i. Heng bakah hian point 70% hmu chin district hranghranga HWC-SC 42 hnenah Commendation Award Rs. 25,000/- theuh sem a ni bawk.

Kayakalp Award bakah hian NQAS leh LaQshya award sem a ni bawk.