3747/2024-2025

Kolasib : Dated 10th January, 2025: Vawiin chawhma dar 11:00 khan Kolasib DC Conference Hall-ah kum 2025 Republic Day Kolasiba hman dan tur relin thutkhawmna neih a ni a. He hunah hian Kolasib District-a Department hotute leh Chanchinbu mite an tel a, Kolasib DC Pu Robert C. Lalhmangaiha chuan thutkhawmna hi a kaihruai a ni.

He thutkhawmna kaihruaitu Pu Robert C. Lalhmangaiha chuan kalkhawmte lawmna thu sawiin, kumthar chibai a buk a. Republic Day ni pawimawhna leh kum tina India rama hman a nihna chhante sawizauna hun a hmang bawk. DC chuan India ramin zalenna a neih hnua ram rorelna kawnga pawimawh tak Danpui a neihna ni hriatrengna hun pawimawh tak 'Republic Day' chu India mipuite tan ni chinchhiahtlak tak a nih thu tarlangin, he huna kalkhawmte chu Republic Day pawimawhna hre reng turin a chah nghal bawk a ni.

Kolasib DC in he huna kalkhawmte chu kum danga Republic Day hman dan thin tlangpui thlirhona a neihpui zawhah kumin Kolasiba Republic Day hman dan tur chungchangah rorel tan nghal a ni a. Kumin 2025 hian Republic Day hi Pathianni a a tlak avangin Kolasibah chuan zing dar 7:30-ah a lawmna hun hman a ni dawn a, Kolasib DC Pu Robert C. Lalhmangaiha chu he hunah hian  khuallian a ni ang.  

Republic Day Kolasiba lawmna chu Kolasib DC Office tualzawlah hman nise tia rel a ni a. Hemi hun atan hian Kolasib khaw chhunga Sawrkar Department hrang hrangte mawhphurhna tur pawh sawi ho a ni bawk. Hnam puanzar (National Flag) pawhpharhna hun neih a nih dawn bakah Hnam hla (National Anthem) rem a ni dawn bawk. He hunah hian Kolasib District-a Sawrkar Department hrang hrangte hmalakna chanchin pholanna hun hman a ni dawn a, Republic Day chu India ram ni pawimawh tak a nih ang ngeiin urhsun taka hman tur a rel a ni.