Nimin ni 5 August 2016 khan Kolasib Diakkawn YMA Hall ah YMA leh sawrkar tangkawp ruihhlo beihpui hawnna inkhawm neih a ni.
Pu Lalrinmawia Ngente Vice President Sub-Headquaters YMA chuan inkhawm hi a kaihruai a. Pu H. Lalengmawia IAS, Deputy Commisionner chuan a hawnna thu sawiin Kristian te inzirtirna ah chuan mi zawng zawng hi tah tak a awm turin kan in zirtir a, Tunlai kan khawvel ah hian sualna chitin reng a thleng nasa hle a. Hmasawnna hian suahsualna hi a keng tel vezel a, chu chu mizoramah pawh hian a thleng meka, sawrkar tha tak tak kan hrawn tawh a. Hmasawnna tam tak awm mahse sual hian mi a hlahthlem lo a, mitin te i fimkhur ang i tiin kalkhawm te a sawm a ni.
Pu C. Lalzahngova Superintendent of Police Kolasib pawh in thu sawiin kan ramah ruihhlo do tura pawl in suihfin lian tak a lo ding ta chu lawmawm a ti a. Tunah hian Kolasib District chhunga ruihhlo zuar tute zawng zawng hriat turin ruihhlo dona dar ring takin kan vua a ni a ti. Kan ramah damdawi thiam te lehzel damdawi rui duh an lo awm ta chu pawi a ti a, ruihhlo theh darna a nasat zel chuan kan chhiat pui ngei ang a ti a, School naupang lo kal te hnenah ruihhlo ti thin an awm thu sawiin sim turin a chah a, an sim theih lo thleng a an ti a nih chuan an tan a pawi dawn a ni ati. Drugs zuar tu te emaw an thian te hnen atangin ti chhin tura thlemna an tawh hunah hnar turin a fuih a. Ruihhlo chungchangah harsatna kawng hrang hrang a an tawk a nih pawhin an mah ni pui tur a hma lak a in peih reng thu a sawi bawk a ni.
Dr. Lalhlimpuia Chief Medical Officer, Kolasib pawh in damdawi ruih theih leh a kaihhnawih chungchang thu sawiin, damdawi tha tak tak miin a hman sual chuan atan thil hlauhawmah a lo chang thei a. A zunah uaiin Addict a lo ni thin a, chumi in a taksa a tihbuai hmasak ber chu thluak a ni a, a hriatna, thisen zam, Lung leh Chuap te a khawih chhe thei a, an taksa a lo rawih a, chhiat na ah an tlu lut zel thin a ni a ti a, damdawi tihhmang leh HIV te hi an in kungkaih tlat a, Naute pianghlim thleng in Drugs ngawl vel an awm thei a ni ati. Nu tha leh fel tak a lo positive fo na chhan chu an pasal te inthlah dah vang a ni fo thin a ti.
