4498/2024-2025

Kolasib 28th February, 2025 : Vawiin chawhma dar 10 khan Kolasib Venglai St. Joseph Parish Hall-ah Village Council Member-te intuaitharna hun ‘Sensitization Programme for Village Council Member’ hman a ni a. He hun hi State Institute of Rural Development (SIRD), District Panchayat Resource Centre, Kolasib leh District Local Administration Office (DLAO) te tangkawpin an buatsaih niin Kolasib Deputy Commissioner, Pu Robert C Lalhmangaiha chu he hunah hian khuallian a ni.

Sensitization Programme for Village Council Member hmanna hi Pu ST Lalhmingmawia, DLAO Kolasib chuan kaihruaiin he huna kalkhawmte inlawmna hun a hmang a. Khuallian, Pu Robert C. Lalhmangaiha, Kolasib DC chuan he hunah hian thusawiin Village Council Member-te chu Sawrkar leh khawtlang mipuite inkara palai hna thawktu pawimawh tak a nih thu sawiin, VC Member-te chu khawtlang tha siamna kawnga mawhphurhna sang tak neitu leh Sawrkar hmalaknaa a fawng chelhtu pawimawh tak an ni tih chu inhre reng turin a chah a. Khawtlang hmasawna kawnga an hnathawhah tluang taka an mawhphurhna an hlen theih nan duhsakna a hlan bawk.

He hunah hian Pu ZR Thafala, Principal, Extension Training Centre, SIRD leh Pu LR Lalrinmawia Hnamte, DPRC-te chuan Village Council mawhphurhna chungchangah zirtirna an pe a. MGNREGA chungchangah hriattur pawimawhte Rural Development & Panchayati Raj Department atangin zirtirna pek a ni bakah Health & Family Welfare Department atangin mipui hriselna kawng Sawrkar hmalakna te ngaihthlakna hun neih a ni a. Pi Lalvenhimi Ralte, Settlement Officer, Revenue Department Kolasib chuan Inhmun leh mimal ram chungchanga Village Council Member-te hriattur leh mawhphurhna te zirtirna a pe bawk a ni.