3862/2024-2025

Kolasib, 17th January 2025: Mizoram Village Council Election 2025 lo awm tur atana Kolasib District chhunga ralmuang leh felfai taka inthlan kalpui a nih theihna tura hmalak dan tur sawiho in vawiin tlai khan Kolasib DC Office Chamber ah Kolasib District Election Officer, Pu Robert C Lalhmangaiha leh sawrkar official dangte leh Party leh tlawmngaipawl hruaitute an thukhawm.

He hunah hian Pu Robert C Lalhmangaiha chuan an thutkhawm chhan sawiin , State Election Commission chuan Mizorama Village Council inthlan ni tur a puan tak avangin Model code of conduct kenkawhna a hlawhtlin theihna turin kalkhawmte chu an pawimawh a ni, a ti a. Election puan a nih tak avangin sawrkar official leh Election office pawh in kawng hrang hrangin hmalakna an kalpui chho mek a ni, a ti . Kolasiba VC inthlan chu hlawhtling taka kalpui anih theih na turin thawhhona tha an neih a pawimawh takzet a ni, a ti bawk.

He hunah hian Pu David H Lalthangliana,Kolasib SP leh Pu H Lalramliana, Election Officer te pawhin thu sawiin MCC chu rualkhai taka Party tin ten Election an hmachhawn theihna tur a duan a ni tiin, Inthlan lo awm tur atana inthlan kaihhnawih pawimawh hrang hrangte hrilhhriatna an nei a.Kumin VC Election lo awm turah hian Kolasib District bikah VC member seat 302 a awm thu Election Officer hian a tarlang bawk.

Vawiin ṭhutkhawm ah hian Kolasib District-a District Election Officer, SP , Election Officer, DIPRO, Political Party, MPF, Sub Hqrs YMA, MHIP leh MUP aiawhte an tel a ni.