4713/2024-2025

Kolasib Dated the 19th March, 2025 : Vawiin chawhnu khan Kolasib DC Conference Hall-ah District Level Vidyalaya Management Committee(VMC) Kolasib Deputy Commissioner leh VMC Chairman ni bawk Pu Robert C. Lalhmangaiha kaihhruaina hnuaiah neih a ni a. He Committee-ah hian Central Sawrkar hnuaia Residential School - Jawahar Navodaya Vidyalayas (JNVs), Thingdawl chu thlirhona neih a ni.

Pu Robert C. Lalhmangaihna Kolasib VMC Chairman chuan he hunah hian zirna pawimawhna sawiin Central leh State Sawrkar pawhin zirna kawnga mipuite’n hma kan sawn zel theihnan theih tawp an chhuah thin thu a sawi a. Zirna tha zirlai naupangte hnenah pek a nih theih nan leh zirna inte enfiah tura Vidyalaya Management Committee(VMC) thutkhawm a ni thei chu lawmawm a tih thu a sawi bawk a ni. 

Kolasiba Vidyalaya Management Committee neihna ah hian Pi Baby Lalchhanchhuahi, Teacher, JNV Thingdawl chuan Jawahar Navodaya Vidyalayas (JNVs), Thingdawl dinhmun Report a pe a. JNV School Thingdawl hmasawnna tura hmalakna awm thei turte he hunah sawiho na neih nghal a ni bawk. 

Pu Hari Om Shukla, Principal, Jawahar Navodaya Vidyalayas (JNVs), Thingdawl chuan he hunah hian thusawina hun neiin JNV Thingdawlin zirtirna a kalpui dan tlangpui tarlanna hun a hmang a. Zirna tha chuan ram hmasawnna leh nunphung tha a thlen theih dan sawizauna a nei bawk.

Kolasiba Vidyalaya Management Committee(VMC) neihna ah hian Pu Vanlalchhana, District Education Officer, Dr. RK Lalthlamuana, Sr. Chief Medical Officer, Pu B. Lalawmpuia, Sr. Executive Engineer, PWD, Pu S. Liansanga, Sr. E.E. PHE, leh Sawrkar Officials dangte bakah Parent-Teacher Committee aiawhte an tel thei bawk a ni.